حان الوقت
هى ..حان الوقت
هو ...ايه بتقولى ايه يعنى ايه مش فاهم ؟؟
هى .. بقول خلاص !
هو .. خلاص ايه! هو قرارك لوحدك
هى ..لاء عارفه انه قرارنا احنا الاتنين بس قلت تيجى منى افضل
هو .. ليه حصل حاجه منى تخليكى تقولى كدة
هى .. قول كدة انا عملت لك ايه خلاكى تحسى بكدة
هو ..انا عملت ايه فهمينى ..منتى عارفه انى بحبك
هى ..هو الحب عندك ايه ..انك بتقولى بحبك وبس
هو ..لاء طبعا بس انا فعلا بحبك وغصب عنى بيحصلى ظرووف بنشعل عنك سامحينى
هى .. سامحتك كتير وجيت على نفسى كتير وقلت فعلا يمكن مشغول ...بس الحب مش كلمه تقولها وبس وتطمنى انك بتحبنى وانا فى اخر اهتمامتك واولوياتك وكانك ضامن انك مهما تعمل فيا هترجع تلاقينى بحبك اكتر من االاول
هو ...بتظلمينى كدة على فكرة منتى عارفه انابحبك ومقدرش ابعد عنك وعارف انك بتحبينى بس مش كدة زى منتى فاهمه ضامن وجودك عشان متاكد انك اكتر حد قريب من قلبى وفاهمه انا ايه وفيا ايه من غير مااقول ولا احسسك
هى ..ماهو دة اللى بقوله ..انت حد انانى عاوز كل حاجه مرة واحدة ومتخسرش اى حاجه تضمن وجود اى حاجه بتحبها المهم متخسرهاش فكرت مرة فيا انا بكون عامله ازاى وانت بعيد عنى بالايام ولااعرف عنك حاجه ولا بسمع صوتك ولا حتى بتسمع صوتى ولا تعرف عنى اى حاجه
هو ..انا مش انانى الا فى حبك ..وحتى لو كدة من حقى انتى ملكى انا وبس ومش هينفع تبعدى عنى اعرفى كدة. كويس
هى .. اسفه ...بجد قلتلك حان الوقت وانت فكرتها كلمتين وبس
هو.. مش فاهم ليه مصممه على كدة ..مقدرش ابعد عنك
هى .. لاء قدرت تبعد وقدرت ماتعرفش حاجه عنى وقدرت اهون عليك وانت شايفنى خايفه وملهوفه عليك وانى بكون فرحانه اول ما بتحن عليا وتكلمنى دة حب بالنسبه لك ..
لكن بالنسبه ليا بتكسر فيا كل يوم حته من كرامتى اللى اتنزلت عليها عشان بحبك
هو ..الحب مفيهوش كرامه غلبت افهمك كدة .وبردوة مصرة ... لازم تعملى كرامه بينا هى دى اللى مخلياكى تاخدى قرار دة اهدى كدة وانا احاول اتغير
هى ..تحاول ؟؟ حتى مافيش تاكيد على كلامك ولاتغيرك بجد يعنى محاوله ياما تكون بنتيجه اجابيه ياما زى الاول
هو ..لاء مش اقصد كدة بس عاوز اقرب ومش عارف بجد غصب عنى
هى ..وانا كمان غصب عنى انى اخدت قرار دة بس احسن لينا
مش قلتلك فى البدايه حان الوقت
تعليقات
إرسال تعليق
اترك تعليق لتشجعنا على الاستمرار
وشكرا