#منال_والدجاله_دلال7

عدى اليوم كله ومنال نايمه

 وامها اتصلت. على ام رامى..الست اللى بتشتغل عند الدجاله دلال  وحددت معاها معاد عشان يروحوا ليها يوم الخميس...وشويه لاقيت عبدالحكيم داخل. البيت ..وسلم على حماته..وسأل على منال.. امها سلمت  عليه وقالت له انها تعبت شويه ونامت

اتخض عبدالحكيم. ورد بسرعه مالها يا ماما عندها ايه اجيبلها دكتور..؟؟

ام منال ..لااا مش مستاهله يبنى ..هى هترتاح شويه وهتقوم زى الفل

عبد الحكيم ..لاا يا ماما هى بقالها كم يوم مش طبيعيه اكيد فى حاجه  مضايقاها ومكذبش عليكى . موضوع الخلفه دة مع اننا والله مالناش اى ذنب.  مانتى عارفه ولا انا ولا هى فينا حاجه بس دى ارادة ربنا مالناش يد فيها ...

ام منال ..بصتله وسكتت ....وفاجاءه قالت له بص بقا احنا لازم نروح نشوف شيخ ليكون معمولكم عمل ولا حاجه

 عبد الحكيم..فضل يضحك ..وقالها ..طب خلى الكلام دة  لحد تانى  خليتى ايه للجهله اومال لو مكنتيش مدرسه وبتربى اجيال ينفع كدة 

ام منال. استغفر الله العظيم مافيش في ايدينا حل يبنى  ومواضيع دى موجودة..والسحر يبنى مذكور فى القراءان

عبدالحكيم ..ومين بس يا حماتى اللى هيعملنا وليه ويقاطعهم صوت صريخ منال.

اتخضوا كلهم وجريوا على اوضه ومنال فضلت تردد وتقول زقنى ووقعنى من ع السرير...زقنى ووقعنى من على السرير

ام منال ..هو مين يا بنتى اللى وقعك من على السرير 

منال مش عارفه يا ماما كان واقف ادامى لما صحيت واول ما شافتى وقعنى

عبدالحكيم ..هو مين اللى وقعك منتى على السرير زى مانتى اهو يا منال تلاقيكى كنتى بتحلمى ...

منال بصت لنفسها لاقيت نفسها نايمه ومتغطيه كمان...مسكت راسها وقعدت تعيط..والله زقنى ووقعنى مش بكذب عليكم

ام منال...طيب انا اعملك لمون تشربيه  تهدى اعصابك

عبدالحكيم.. انا هاكلم  دكتور مسعد ابن عمتى اساله كدة واشوف هيقولى ايه خليكى معاها بس  عقبال مااتصل عليه

ام منال ...حاضر يبنى 

طلع  عبدو برة فى الصاله واتصل بابن عمته وحكاله على كل حاجه بتحصل لها من اول  ماشافته فى المطبخ وهو كان نايم لغايه ما صرخت وصحيت من النوم  ..ردة عليه..وقاله لازم تجيبهالى العيادة ..اكيد  مراتك  فى حاجه مخبياها تاعبلها نفسيتها 

قفل عبدوة التليفون  ... وسمع صوت منال  بتنادى  بصوت عالى وجرى  على الاوضه قال لحماته فى ايه  تانى  بخضه...ردت عليه وقالت له دة شكله كابوس باين .

عبدوة .  رد بوجع من اللى شايفه على منال استغفر الله العظيم. لاء كدة  لازم اشوف حل بصوت واطى . 

وقاطعتهم منال ..ماما انا جعانه ..وعاوزة اكل

عبد الحكيم. .رد وقالها خليكى انتى يا ماما انا اروح احضر الغدا 

ام منال قالت له لاء خليك انت جنب مراتك وانا هاروح . احضر الغدا واجى كلنا ناكل هنا  افرد بس انت التربيزة دى وماتسبيش منال لوحدها عقبال ما اجى

وطلعت وسابتهم ..ومسكت تليفونها واتصلت بأم سميرة..ولما ردت عليها قالت ام منال. فى حد جنبك . 

ام سميرة . قالت لها لاء مالك يا لطيفه صوتك مش عاجبنى  ليكون منال حصلها حاجه..؟؟؟

ام منال . بصى . منال من وقت مااخدتها عند  دلال وفى حاجات بتحصل كدة  غريبه انتى فاكرة الحج سليمان  اللى فى الشارع اللى ورانا

ام سميرة ..اها بس هو مسافر دلوقت فى الصعيد عند اهله وهيجى كمان اسبوعين كنت بسأل عليه عشان يجى يرقى سميرة

ماهى تعبانه بردوة اووى يا لطيفه ومتفهميش مالها كل شويه عياط وصريخ

قلت يمكن نفسيتهاتعبت بعد طلاقها من جوزها بس بقيت تصرخ وتشوف خيالات فى البيت وانتى عارفه انا بنزل الشغل الصبح مش برجع غير اخر اليوم وبكون قلقانه عليها ومش عارفه اتصرف ازاى

ام منال . بردوة منال مش طبيعيه اكيد فى حاجه غلط

..انا ام رامى كلمتنى وحدتتلك  معاد صح

ام منال.. اها ماهى كلمتنى وقالتلى ..انا لازم اروح واشوف ايه اللى بيحصل لمنال دة

عدى يومين على الحاله دى وعبد الحكيم اخد اجازة وفضل ملازم منال . وشويه  مسعد اتصل عليه وقاله انه هيجيله عشان يشوف منال ويطمن عليها ..

ودخل قال لحماته . عشان  تعمل حسابها وتلبس منال هدوم مناسبه عشان لما يجى

وشويه وجرس الباب بيرن .وبيفتح لاقا امه ..سلم عليها ودخلت لاقيت ام منال موجودة استغربت وسلمت عليها  من غير نفس ..ام منال   اخدت بالها من طريقتها اللى   متغيرتش  من وقت خطوبتهم دى.  بس كان أهم حاجه انها مطمنه من حب جوزها ليه وانه عمرة ما بيزعلها ودايما بيخاف عليها وعلى مشاعرها..وان فعلا نعم الزوج اللى كانت بتتمناها لبنتها يعوضها عن وفاه ابوها من صغرها...وقاطعت  تفكيرها كلام ام عبدو بتقولها ..خير فى حاجه؟؟؟

ام منال .لااااا مافيش دى منال تعبانه شويه

ام عبدوة..بقلق ولاول مرة..خير لتكون حامل  ؟؟؟

ام منال. بصت بضيق وردت عليها. الله اعلم  كله باوان الله ..دكتور  مسعد على وصول وهنعرف

ام عبدوة . مسعد  بتاعنا

عبدوة رد عليها اها يا ماما 

وبدون تفكير ردت ليه هى مراتك اتجننت جايبلها دكتور مجانين

عبدوة  ماسك نفسه عشان حماته موجودة..ومايصحش يتكلم مع امه بطريقه تضايقها بس فى نفس الوقت امه كلامها بجرح ويضايق وهو حاسس ان اللى منال فيه دة سببه امه وتلقيح الكلام ليل نهار وهى استحملت كتير لغايه مااعصابها تلفت من الضغط وانها بتدارى عشان متزعلهوش

بص لامه وقالها ..اكيد انتى جايه من السفر تعبانه يا ماما روحى ريحى شويه وانا ابقا اطمنك ..وشويه وجرس الباب رن

وفتح عبدوة ولاقاه  مسعد 

دخل وسلم عليهم . وام منال كانت عاوزة تتكلم معاه لوحدهم قبل ما يكشف عليها عشان تفهمه اللى حصل لبنتها من وقت ماراحت  لدلال ولسه بتقوله عاوزاك فى كلمه لوحدنا بصوا لاقوا  شبابيك الشقه والبلكونات بتتفتح وتتقفل بصوت مرعب ومخيف لدرجه ام منال اللى قلبها جامد ومش بتخاف صرخت مع ام عبدوة

من قوة  فتح البلكونات وقفلها تانى بشدة

بس الغريب ان كل دة ومنال نايمه ولا صحيت