#حكايه_ورا_كل_باب#قصه_الأوراق_القديمة_وروح_حماتى

#حكايه_ورا_كل_باب🏚️  

#قصه_الأوراق القديمه..وروح حماتى1

أنا سحر عندى٣٣ سنه حكايتى دى اكيد مشابهه لحكايات ناس زى كتير بس اكيد بتختلف من شخص لشخص تعالوا. أحكى لكم  أيه اللى حصل. بعد ٥ سنين جواز غيرت حياتى وحياة خالد كتير 

  أتجوزت وأنا عندى حوالى  ٢٨ سنه قابلت زوجى  فى فرح ندى صديقه عمرى هو كان صاحب جوزها وكان مسافر  بيشتغل  محاسب فى شركه فى السعوديه  فى البدايه  مكنتش موافقه على الجواز منه واحد ولا عمرى شوفته يشوفنى  يوم الفرح تانى يوم الاقيه عندنا يخطبنى طيب كان يستنى فترة حتى  يعرفنى أكتر..بس ماما وأخواتى قالولى لا دة  شاب جاد مش بتاع لف ودوران  دخل البيت من بابه عاوزاه أيه يطلب بقابلك برة وتتعرفوا على بعض وبعد كدة يجى يتقدم أو مايجيش زى شباب اليومين دول   تحمدى ربنا عليه حد  دوغرى زيه مابقاش منه  فى الأيام دى فرصه وإستغليها  وللأسف سمعت كلام أمى  وقلت يمكن فعلا هى أكبر منى وفاهمه فى الحياة أكتر ،  ووافقت على الجواز من خالد دة أسم جوزى وكل حاجه حصلت بسرعه،

 وفى أقل من شهرين كنت متجوزاه، وسافرت معاه  عشت معاه ٥ سنين من أجمل  سنين عمرى، لغايه ماقرر خالد إن إحنا  لازم ننزل  نعيش فى مصر من تانى لأنه تعب من كتر السفر  وخلاص عمل الفلوس اللى تخليه يعيش مرتاح باقى عمرة!

قلت أخيرا أرجع لبلدى وحياتى اصحابى 

خالد. رتب لرجعونا  من هنا وزى ما سافرت بسرعه رجعت مصر بنفس السرعه

قرر خالد بدل مانعيش فى أوتيل أو نأجر شقه مفروش  نرجع نعيش  فى بيتهم القديم  عقبال ما يشوف أرض يبنيها  ويبنى  بيت لينا ويعمل شركه كمان، فوافقت مبدائيا  إنى أعيش فى بيت محدش عايش فيه بقاله سنين من بعد وفاة أمه وأبوه ماهو كان الولد الوحيد لأبوة وأمه وهو كان دايما مسافر فمكنش عارف يبيعه أو يأجرة

مع أن عمه عرض عليه أنه ياخدوة بس هو رفض  حتى أنا   فضلت  أسأله ليه. مش عاوز تبيعه.يقولى مش هبيع بيت  أبويا وأمى تعبوا فيه عقبال ما عملوه وأنا كبرت  واتربيت فيه..فذكرياتى كلها  فيه

قلت خلاص أدام مصمم يسيبه هو حر 

أهم حاجه أنه مش حابب نعيش فيه على طول ودة وقت مؤقت  أستحمل وخلاص  لغايه ما ينقلنا للبيت الجديد

عدى كم يوم وهو من وقت مارجعنا بينزل كل يوم ويسببنى لوحدى فى البيت انا واكرم أبنى الصغير عندوة ٤ سنين بحاول اتأقلم واخد على البيت  لأن أكيد مش هيشوف أرض ويبنيها ويوضبها فى كم يوم 

وفى يوم كنت مخنوقه وتعبانه لاقيت عدة تليفون قديمه  حاولت  إنى اشغلها وأشغل الخط الأرضى وأوصل نت لغايه ما ننقل أهو حاجه تسلينى بدل الملل اللى أنا فيه  دة

 وفعلا قعدت أدور على فواتير للتليفون  عشان أعرف الرقم لأنى مش عاوزة أشغل خالد .بالأمور التافهه دى على حد قوله يعنى  وعادته اللى مش بيبطلها أن الامور اللى زى دى تافهه ودماغه فيها أمور أكبر من كدة فياريت اتصرف أنا فى الامور التافهه دى، فكرت ممكن تكون حماتى كانت بتحتفظ زى ماما بأورقها واى فواتير فى درج من ادراج الكومدينو... وفعلا دخلت الأوضه أستغربت جدا أن الأوضه منظمه أوى  وكل كومدينو عليه أباجورة نفس لون الأوضه  مع الستاير مع أضاءه اللى فى سقف الأوضه أيه التناسق اللى كان عند حماتى  أو حمايا  أنا بالمناسبه مشفتش حمايا ولا حماتى ماتوا  ورا بعض قبل جوازى بكم سنه  ربنا يرحمهم ..المهم افتكرت أنا كنت عاوزة  الفواتير وفتحت  أول درج كومدينو ، لاقيت فواتير للغاز والكهربا والمايه والتليفون  الحمد لله هو دة اللى كنت بدور عليه..لبست ولبست أكرم واخدت تاكسى عشان أشغل الخط تانى ..والحمد لله قدرت أقدم على النت ووعدونى أنه فى خلال كم يوم  هيكون النت واصل . لأنى فؤجئت أن الخط شغال ..لان الفواتير بتدفع  فى مواعيدها..طيب ليه خالد بيدفع الإشتراك  للتليفون مع أنه بقاله سنين  مش عايش فى البيت ..لما رجعت البيت لاقيته لسه مرجعش  قلت كويس  اتأكد من الخط شغال فعلا ولا لاء

وصلت التليفون بالفيشه  لاقيت السلك مقطوع فقلت .خلاص لما  الفنيين يجوا يوصلوا النت اكيد هيصلحوة

عدى أسبوع كمان وحاله الملل بتزيد عندى 

نزلت خلال الاسبوع دة رحت لأمى ولأخواتى .واتصلت بكم صديقه ليا عشان نحدد ميعاد ونتقابل .فى اللى مسافرة وفى اللى مش عارفه بسبب الأولاد إن أحنا نتقابل  وتقولى طيب نخليها فى اجازة نص السنه نرتبها..قلت السنين باعدتنا عن بعض فين أيام زمان مكناش بنفوت يوم إلا ونتكلم بالساعات أنا وهما.بس دة حال الدنيا 

قلت أتصل تانى كدة بالشركه وأشوف عملوا أيه فى توصيل النت

وانا بكلمهم لاقيت  أكرم جابلى صندوق مقفول فكر فيه لعب  وعاوز يفتحوة  ويشوف فيه ايه

يتبع