#الليله الماضيه_ #الجزء الثانى
سواق التاكسى اتخض ووقف العربيه ونزل ياأنسه مالك فيكى ايه وقعد يفوق فى ايناس مش بتفوق بيبص لاقى المستشفى ادامه جرى بيها على المستشفى
وفى الاستقبال ..ارجوكم بسرعه حد يجى يشوف مالها اغمى عليها فى العربيه
راجل الامن بيجيب ترولى انت خبطتها بالعربيه
السواق انت ح تلبسنى مصيبه مخبطهاش دى كانت راكبه معايا اوصلها فاجاءه صرخت واغمى عليها حتى جايبه معاه تورته اهى جنبها زى ماهى
راجل الامن وكم ممرضه بيشيلوها على الترولى ودخلوا بيها على الاستقبال
بيسألوا السواق هى عندها كم سنه وايه حصل واسمها ايه عشان البيانات
السواق والله ماعرف هى ركبت معايا أسالها على اسمها وسنها ليه
موظفه الاستقبال ..طيب هى معاها شنطتها اكيد هات البطاقه بتاعتها منها وملينى البيانات
السواق طيب استنى اروح اجيبها م العربيه
وبيفتح العربيه لاقى موبيل ايناس بيرن ومكتوب ماما ..فرد الوو وصوته كله خوف من الخضه
ماما ايناس .الوو مش دة تليفون ايناس
ااهاا هى اسمها ايناس ..ايووة هو
ماما ايناس اومال انت مين وفين ايناس
السواق والله يا مدام هى اغمى عليها فى التاكسى وجبتها هنا المستسفى
ام ايناس تشهق وبخوف مستشفى؟؟ ليه ؟؟حصلها ايه مالها بنتى! خبطتها بالعربيه انطق ومستشفى ايه بسرعه وحالتها ايه
السواق .لاحولا ولاقوة الا بالله العلى العظيم والله ياستى مخبطتهاش انا كنت بوصلها لبيتكم مش انتوا ساكنين فى شارع محفوظ السعدواى ؟؟
الام ايوة مظبوط.. اهو هى وقفتنى وقالتلى العنوان
طب انتوا فى مستشفى ايه بسرعه ..اه تمام عارفاها انا قريبه منكم ثوانى اكون عندكم
السواق قفل التاكسى واخد الشنطه والموبيل ووقف مستنى والدة ايناس تيجى يسلمها الحاجه ويمشى
مفيش ربع ساعه وايناس لسه بيفوقهوا فيها وعلقوا ليها محاليل وعملوا فحوصات
وصلت مامتها وخالتها منى . الاستقبال بنتى عندكم السواق جابها اغمى عليها السواق كان قاعد فى ااالريسبشن سمعهم قام لهم
موظفه الريسبشن ..ايوة يافندم هما لسه بيفحصوها والدكتور ح يطلع يطمن حضرتك
السواق ..السلام عليكم حضرتك انا السواق اللى جبتها المستشفى ..
الام..احكيلى ايه اللى حصل وعملتوا حادثه ولا انت خبطتها بالعربيه ولااايه
السواق ..يافندم والله هى كانت راكبه معايا ومبسوطه جدا وفاجأءه لافيتها بتقولى حاسب ح تخبطه ومكنش فى حد ادامنا وصوتت وحصل كدة ولحظتها كنا ادام المستشفى يعنى مالحقتش امشى اصلا خطوتين وجبتها ع طول على هنا
الام ..هى اكيد انخضت ماهى ايناس مش بيحصلها كدة الا لما تتخض
منى..
اهدى بس دلوقت دكتور ح يطلع يطمنا ان شاء الله خير
ام ايناس يارب خير
شوى والدكتور طلع والسواق جرى عليه ومنى وام ايناس كمان خير يا دكتور مالها
الدكتور ..اطمنوا يا جماعه ..اغماء عادى وضغطها واطى فعلقنا لها محلول وشوى وح تفوق هى زى الفل مافيهاش حاجه
ام ايناس ..ربنا يطمنك يا دكتور هو ممكن ندخل نشوفها
الدكتور ..اها اكيد اتفضلوا
ام ايناس .دخلت ووراها السواق ومنى
اول ماشافت ايناس نايمه ع السرير جريت عليها والممرضه قالت لها معلشى حسبى ... شوى وح تفوق ممكن تستنوا برة وهى اول ماتفوق و تصحى اناديلكم
ام ايناس ..لاء احنا ح نقعد هنا الدكتور سمح لينا وقال عادى
الممرضه ..طيب تمام ياريت بس من غير دوشه عشان فى ناس تانيه فى اوضه اللى جنبكم
ام ايناس بصت للسواق وقالت له انا مش عارفه من غيرك بنتى كانت زمانها حصل لها ايه ربنا يكرمك فى اولادك حسابك كم معلشى عطلناك معانا
السواق ..حساب ايه بس دى زى بنتى وربنا يعلم المهم هى تقوم بالسلامه ومالحقتش اصلا امشى بيها انا بس استأذنكم ودة رقم تليفونى لو عوزوتنى فى اى مشوار او اجى اروحكم لما تفوق ان شاء الله انا ساكن قريب منكم هنا انزل واجيلكم على طول وربنا يطمنكم عليها سلام عليكم
منى وعليكم السلام . بقولك ايه يا منال اقعدى ارتاحى وانا اروح اجيبلك عصير وحاجه تاكليها انتى مااكلتيش وكنتى مستنيه ايناس ترجع وناكل سوا لتهبطى انتى كمان واحتاس بيكم انتوا الاتنين واجيب كمان حاجه لايناس تشربها وتاكلها لما تفوق
منال ام ايناس ..لاء اقعدى بس شوى مش جعانه لسه بدرى يمكن يطلعوها ع طول
بيبصوا لاقوا السواق رجع تانى ومعاه علبه تورته وداخل عليهم دى الانسه كانت جايباها معاها اتفضلوا
ام ايناس ..لا نتفضل ايه دى تاخدها لعيالك دة رزقهم وكفايه تعبك معانا انت حتى رفضت تاخد الفلوس
السواق لا والله مايصحش دى جايباها تحتفل معاكم
ام ايناس . ان شاء الله لما تفوق ح نجيب غيرها والله ماهى راجعه بالهنا والشفا على قلوبكم
منى . خلاص ياعمو اختى حلفت وكتر خيرك والله كفايه ماردتش تاخد حق التوصيل
السواق ..ربنا يقومها بالسلامه ويطمنكم عليها السلام عليكم
الممرضه ..ممكن نهدى شوى عشان بس المرضى
منى .حاضر اسفين
فاتت ساعه وايناس لسه مفقتش منال اتخضت وقالت لمنى هما مش قالو شوى وح تفوق عدت ساعه وهى زى ماهى
منى ..منتى عارفه بنتك تلاقيها نايمه وماصدقت بتحب النوم زى عنيها
منال مش كدة يا منى قومى شوفى كدة الدكتور يجى يطمنا عليها
ولسه منى بتقوم لاقيت ايناس بتفتح عينيها وتقول ماما
ام ايناس راحت بسرعه حبيبه ماما عامله ياقلبى انا ...حمدلله على سلامتك ياقلب ماما
ايناس ..اى ايه دة هو فى ايه
منى ..مفيش ياايناس اغمى عليكى والسواق جابك ع المستشفى
ايناس اغمى عليا ..اه والراجل حصله ايه
منى محصلوش حاجه هو اللى وصلك لغايه هنا
ايناس هو مين اللى وصلنى هنا
ام ايناس سواق التاكسى
ايناس .لاء الراجل اللى خبطناه بالعربيه
منى ومنال فى صوت واحد خبطتووة بالعربيه ازاى
السواق مجبش سيرة.. !! كدة خالص كل اللى قاله انك مرة واحدة صرختى واغمى عليكى
ايناس ايووة يا ماما مانا صرخت لما شفت السواق بيخبط الراجل وهو بيعدى
ام ايناس يابنتى انتوا كنتم ادام مستشفى اصلا لو حصل كدة كانوا بتوع الامن شافوا الحادثه و
ايناس والله يا ماما انا شفت الراجل وهو بيعدى ادامنا وبصلى كمان وخبطناه بالعربيه
منى ..طيب اهدى يا ايناس هو السواق ساب رقمه ح ابقا اسأله فى اى اوضه الراجل ونروح نطمن عليه
منى ..منال انا رايحه اسال كدة ع راجل اللى خبطوة واجى
منال طلعت مع منى ..تفتكرى خبط واحد وسابه ومرديش يقول طب ازاى
منى مش عارفه تعالى نسأل..راحت الريسبشن
بقولك ..هو فين الراجل اللى سواق خبطه بالعربيه ادام المستشفى
السكرتيرة ..راجل مين محدش جه حوادث النهاردة خالص
منى لاء ازاى فى حادثه جات مع البنت اللى اغمى عليها اتاكدى كدة
السكرتيرة ..متأكدة حضرتك محدش جه خالص ثوانى كدة ياعم أمين عم امين
مسؤل الامن عم امين دخل .ايوة يا انسه ابتسام
السكرتيرة ..هو فى حادثه حصلت النهاردة ادام المستشفى
عم امين .النهاردة لاء خالص
منى ..متأكد يمكن حصلت بعيد عن المستشفى وانت مشفتهاش
عم امين .لا خالص يافندم بيجيلنا خبر لان مافيش غير المستشفى هنا بس فى الشارع والمتطقه دى
منال ..او مال هى بتقول السواق خبط واحد ادام المستشفى
عم امين . لا انا كل اللى شفته بنت حضرتك السواق كان مقرب ع المستشفى وسمعنا صريخ جامد والسواق وقف مرة واحدة وبعد كدة نده علينا وجبنا السرير ودخلناها على طول دة اللى حصل
منى ..ايناس بتخرف يا منال اكيد كنا ح نلبس الراجل تهمه الحمدلله
منال او مال هى قالت كدة ليه
منى مش فاهمه عادى بنتك هواله اصلا وخيالها واسع سيبك المهم انها كويس تعالى نسأل ح تطلع امته
ايناس ..كلهم برة وفاجاءه لاقيت واحد واقف ادامها
بتقوله . ايه دة مش انت اللى خبطناك بالعربيه
رد عليها وقالها ايووة بس انتوا مخبطونيش بالعربيه
ايناس ...ازاى انا شايفاك بعينى وانت بتعدى واتخبطت
والله ماخبتطونى
ايناااس ..اه الحمد لله منا شايفاك كوبس اهو
رد عليها . قالها بس انا مش كويس خالص
ايناس ليه ؟؟ انت ولا حصلك حاجه انا اللى حصلى اهو من الخضه بسببك دخلت المستشفى
رد عليها وقالها نصيبك وقدرك يحصلك كدة عشان تساعدينى
ايناس .اساعدك ؟؟ اساعدك فى ايه ؟؟
قالها عاوز ابنى رددت باستغربت ابنك !!
قالها اها ابنى ..وانتى الوحيدة اللى تقدرى تساعدينى فدخلت امها ..ايناس احنا سألنا برة قالوا مافيش حادثه والدكتور شوى وجاى يطمن عليكى لو كدة نروح
ايناس . اه يا ماما ماهو قالى انه متخبطش
ام ايناس مين قالك
ايناس الاسناذ دة وبتشاور عليه وبتبص ناحيه التانيه لاقيته مش موجود ...
تعليقات
إرسال تعليق
اترك تعليق لتشجعنا على الاستمرار
وشكرا