منال والدجاله دلال ١
منال ..عبدوة ياعبدو صباح الخير يا حبيبى اصحى يلا عشان تلحق الشغل بتاعك
عبدالحكيم ..يا عيون عبدوة يا منولتى ..صباح الخير يا حبيبنى
منال ..احلى حاجه فيك يا حبيبى ضحكتك الجميله دى من اول اليوم بتهون عليا حاجات كتير عايشاها هنا فى البيت
عبد الحكيم..مش احلى من ضحكتك يا منوله صباح الفل مالها بس العيشه ماهى زى الفل اهى
منال ..طب يلا يا حبيبى يلا فوق كدة وخد دش عقبال مااحضر الفطار
عبد الحكيم ..تسلم ايدك ياحبيبتى اهو اهتمامك بيا دة كل يوم ولازم تفطرينى قبل مانزل دة اللى بيخلينى اقدر اكمل واشوف شغلى طول اليوم
منال ..حبيبى وانا لو مهتمتش بيك اهتم بمين يعنى واهم حاجه وجبه الفطار دى انت الله يعينك شغلك فى شركه الكهربا دة وجع دماغ لوحدة ولازم تكون واكل كويس عشان تعرف تتعامل مع الناس هناك دة جاى يشتكى ودة عاوزة تخفيض ودى ودى الله يعينك بجد
صوت فتح باب الشقه وعبدالحكيم بيسلم على منال وهو نازل مش عاوزة حاجه اجيبهالك وانا جاى ه
منال ..لاء يا حبيبى الحمد لله كل حاجه موجودة انت بس متتاخرش وخد بالك من نفسك
حماه منال ..اخيرا صحيتى
عبدالحكيم ..صباح الخير يا ماما
حماه منال ..صباح الخير ياقلب امك
منال صباح الخير يا طنط
حماه منال طنط ايه دى ماقلنا ماما بقالك اربع سنين متجوزة وكل يوم ع الموال دة
عبدالحكيم ..طب اسيبكم انا عشان الحق شغلى
منال ..موال ايه يا ماما وبتقول ماما وهى بتتضغط عليها بزهق.. مش قاهمه
حماه منال .. كل يوم نوم للظهر وكسلك دة اومال لو مخلفه ومعاكى عيال يسهروكى كنتى نمتى طول اليوم
منال بصوت مخنووق .. انا صاحيه من بدرى وكنت مستنيه عبدالحكيم يصحى وافطرة عشان الشغل
حماتها.. اه من بدرى هو فين البدرى دة
منال ..عن اذنك يا ماما عشان عبدو جاى بدرى الحق اخلص الغدا
حماه منال ..غدا دة من وقت ماتجوزك وهو فى النازل
بتدخل منال وهى مخنوقه من كلام حماتها وعماله تكلم نفسها هو انا كل ماحد يشوفنى يسمعنى كلام يسم بدنى كدة مخلفتيش وسنك كبر ح نفرح بخلفتك امته العمر بيجرى وانتى بتكبرى .. هو يمكن حد عملنا حاجه زى ما ماما كانت بتقول . انا تعبت خلاص انا لازم اروح للست اللى ماما قالت عليها اتصل ع ماما قبل ما عبدو يرجع
صوت جرس التليفون
ام منال ..الو ...
منال ايوة يا ماما انا منال
ام منال . مالك انتى معيطه ولا ايه
منال ..حماتى يا ماما كل مانشوفى خلقتى تسمعنى كلام يتعبنى ويسم بدنى بسبب الخلفه
ام منال ..منا قلتلك تعالى نروح للشيخه دلال
منال ..منا بكلمك دلوقت عشان كدة
ام منال ..اخيرا اقتنعتى .. طيب انا استناكى على المغرب
منال ..ماشى يا ماما يجى عبد الحكيم من الشغل واقوله انك تعبانه عشان لو كلمك واجيلك واخدك للدكتور و اكشف عليكى
ام منال ..ماشى يا حبيبتى سلام
بعد العصر جرس الباب بيضرب
منال ..ايوة مين ..؟؟
عبد الحكيم ..انا يا منال افتحى شايل حاجات مش عارف افتح بالمفتاح
منال بتفتح بسرعه يا خبر ياعبدوة منا قلتلك مش عاوزة حاجه وانت نازل
عبدالحكيم ..يا ستى اهو بردوة حاجات بتنفع حضرى الغدا لاحسن انا واقع من الجوع
منال ..حاضر يا حبيبى ثوانى ويكون جاهز
بقولك صحيح ..بصوت خوف ولانها اول مرة بتكذب عليه ..متوترة ..انا ماما تعبانه وكلمتها اطمن عليها لاقيتها تعبت اكتر وقلتها اروح اوديها للدكتور ع المغرب كدة ممكن
عبدالحكيم ..الف سلامه عليها طب تحبى اجى معاكم
منال . بتوتر لاء لاء مافيش داعى انت جاى تعبان انا اوديها للدكتور وارجعها البيت واجى ع طول ان شاء الله
عبد الحكيم ..طب الف سلامه عليها المهم ماتتاخريش
خلصت منال لبس وواقفه عماله تفكر دلوقت وانا نازله اقابل حماتى وتسمعنى كلمتين من بتوعها مش فاهمه هى على طول فاتحه باب شقتها ومستنيانى لما اطلع ولا حطالى جهاز انذار دى عندها ؟؟ دنا مجرد ماقرب من الباب وافتحه ابص الاقيه ادامى بس بردوة ها انزل
بتفتح باب شقتها تبص لاقيت حماتها واقفه ع باب وعماله تبصلها اووى وهى فى سرها بتقول مالها بتبصلى ليه كدة لتكون سمعتنى وانا بكلم ماما
منال وهى نازله سلام عليكم
حماه منال . رايحه فين كدة وسايبه جوزك لوحدة
منال ..ماما تعبانه رايحه اوديها للدكتور مش انأخر
حماه منال .لاء بعد الشر عنهاالف سلامه عليها وصليلها سلامى وكلام طالع منها بغيظ ومن ورا قلبها
منال ..اكيد الله يسلمك ونزلت بسرعه
حماه منال.. دخلت عند عبد الحكيم الشقه وقالتله مرحتش مع مراتك ليه توصلها بدل ماتروح لوحده
عبدالحكيم ... دكتور جنب بيتهم يا ماما مش محتاجتين توصيل
حماه منال ..مش لوكان عندكم عيل ولا اتنين دلوقت كان زمانه مالى عليكم وعليا البيت دوشه بدل ماحنا كدة ملناش حس
عبدالحكيم ..ياماما كله بتاع ربنا واديكى شايفه مخلناش دكتور الا ورحنا ووعملنا تحاليل لمنال مفيهاش اى حاجه... ولا انا كمان فيا حاجه هو ربنا اللى مش اذن دلوقت لينا بالخلفه
حماه منال ... طيب ادام مخلفتش طلقها واتجوز غيرها
عبد الحكيم ..كلام ايه اللى بتقوليله يا ماما هو اناالاقى زى منال طيبه وحنينها وبطلى تسمى بدنهابكلامك دة هى ملهاش ذنب
حماه منال .. انتى بتقولى الكلام دى هو انا قلت حاجه منا عاوزة اشوف اولادك قبل مااموت من حقى وادام هى مابتخلفش اتجوز واحدة تانيه تخلفلك
عبد الحكيم ..يا ماما منال بتخلف مافيهاش اى مشكله ادعيلنا انتى بس بدل ما كل شويه تضايقينا بالكلام دة وياستى ربنا يبارك فى عمرك وبكرة تشوفى اولاد اولادنا كمان
حماه منال ... يااارب يبنى ويسعدك ويهنيك ويرزقك باولاد يملوا بيتك فرح وهنا
عبدالحكيم ..ايووة كدة ياامى احلى دعوة بس اجمعى يسعدكم ويهنيكم
منال وصلت ولاقيت امها مستياها ع باب الشيخه وواقفه لابسه عبايه سودا وطرحه سودة بصت ع امها باستغراب ايه اللى ماما لابساه دة واتوترت وخافت ..هو انا اللى بعمله دة صح ولا غلط
طب هو ربنا ممكن يزعل منى عشان رحت للست دى
طب لو جوزى عرف ح يقول عليا ايه وانا متعلمه ومفروض اكون مدرسه وفاهمه كويس ان دة غلط . الله . بس دى ست وشيخه مش راجل ودجال من اللى بيضحكوا على الناس ..طب انا ادخل وخلاص واشوف ايه ح يحصل ادام وصلت لهنا
ازيك يا ماما عامله ايه
ام منال . الحمد لله يا حبيبتى يلا عشان ندخل اتاخرنا على معادنا
بتدخل المكان السلام عليكم
الست موجودة هناك بتدخل الناس شكلها غريب ردتت السلام وعليكم السلام اامرى
ام منال ..انا اللى كلمت النهاردة الظهر وقلتك اجيب بنتى
..مساعدة الست دلال... وقاطعتها الست وقالت لها اها !!! افتكرتك اقعدوا شوى وادخلكم
منال ..ماما انا خايفه اووى
ام منال ...هس اسكتى دلوقتى نشوف ايه معمولك ومانعك من الحمل انتى وجوزك
منال .. الست شكلها يخووف اووى يا ماما وانا اصلا مرعوبه لوحدى
ام منال . انتى مالك ومالها ماتبصيش لها وشوى ندخل للست دلال كلها بركه ونعرف السبب ايه
مساعدة الست دلال ..بتقولهم اتفضلوا ادخلوا
بيدخلوا صوت طرقعه البخور تخوف وخضت منال بتقول من قبل ماتدخل ايه الصوت دة
ام منال ..دة البخور اكيد فكى كدة وسيبى ايدى مالك متشعبطه فيا زى العيال الصغيرة
الست دلال ..اتفضلوا اقعدوا
منال بتشهق شهقه خووف ورعب من منظرها وتوشوش امها ماما انا خايفه ايه اللبس اللى لابساه دة وشكلها بيخوف اكتر من الست اللى برة يلا نمشى
ام منال ..اسكتى ومتخافيش كدة وسيبى ايدى قلتلك
الست دلال .. اقعدى وارتاحى ماتخافيش المكان هنا كله خير وبركه وراحه
منال فى سرها ..راحه وبركه ايه بس دة ولا فى الافلام اللى بنشوفها كدة
ام منال ..بنتى هى جبانه شوى متجوزة بقالها اربع سنين وهى وجوزها مخلفوش لدلوقتى وعملوا تحاليل كتير ولا هى عندها مانع ولا هو كمان عشان كدة قلنا نجيلك ليكون حد عملهم عمل ولا حاجه نفكه
الست دلال..قامت وقالت لمنال تعالى اقعدى هنا وحطى ايدك على العلبه دى وما تتكلميش ولاتتحركى وفضلت تهمهم بالكلام غريب وتحط بخور ومنال مرعوبه وصوت نفسها بيعلا وبدات تتخنق مش قادرة اخد نفسى هو مين بيخنقنى وفضلت تكح لغايه مااغمى عليها
ام منال .. برقت وشهقت بنتى
الست دلال ..قالت لها اوعى تلمسيها ابعدى عنها دلوقت شوى وح تفوق
منال ..بتفوق ..وبصوت اه يا داماغى وتكح اه فى ايه ايه اللى حصل بتبص لاقت الست دلال بتضحك ومركبه سنتين دهب خضوها اكتر قالت ايه السنان دى هو انتى مين
ضحكت الست دلال تانى انا الشيخه اللى على اديها ح تتحل كل اموورك والعيال مش ح تلحقى عليهم بس لازم تنفذى كل اوامرى بالظبط
من بكرة لازم يكون كل اكلك نى فى نى اوعى اكلك يشمه النار ولازم ٣ ليالى تأكلى لحمه نيه وبدمها
منال ..انتى بتقولى ايه ايه الجنان دة اكل لحمه نيه ازاى ..ومين اللى خانقنى دة . يا ماما حاجه خنقانى وماسكه رقبتى انا لازم امشى من هنا يلا قومى اه يا رقبتى وبتصرخ وبتجرى ولما طلعت برة اوضه لاقيت واحدة مستنيه دورها واول ما شافتها سكتت هو فى ايه مين ماسك رقبتى وخانقنى كدة
ام منال . استنى يا منال اصبرى بس بتجرى ليه
منال فضلت تعيط امها حضنتها وطبطبت عليها بس اهدى مالك مش قلنا نستحمل عشان الخلفه
منال .. وهى بتبكى لاء يا ماما انا مش عارفه ازاى جيت هنا وازى ضعفت كدة ورضيت اجى لواحدة متخلفه زى دى انا كان لازم انبه الست اللى قاعدة دى مستنيه دورها وافهمها
ام منال ..يا حبيبتى مالناس كتير بتجيلها
منال ...غلط يا ماما غلط وناس دوول جهله اناكان لازم انبه الست اللى قاعدة ومستنيه دورها وافهمها
غلطت انى معرفتهاش انا متعلمه وفاهمه واللى بيمشى فى الطريق دة بيتعب اكتر .. انا ادعى ربنا يسامحنى على غلطتى دى وعلى كذبى على عبد الحكيم
ام منال . خلاص يا حبيبتى اهدى تعالى نروح البيت عندى اعملك حاجه تهديكى قبل مانروحى
منال ..لاء يا ماما انا هاروح عشان عبدالحكيم مش يتخض عليا تعالى اوصلك وبعدين اركب واروح.
.
منال بتفتح الباب وتدخل لافيت عبد الحكيم بيضحك لها حسيت انها لا زم تحكيله وماتخبيش عنه حاجه ياترى عبد الحكيم هيكون رد فعله ايه ..دة اللى هنعرفه فى الجزء التانى من منال والشيخه دلال
تعليقات
إرسال تعليق
اترك تعليق لتشجعنا على الاستمرار
وشكرا