#منال والدجاله دلال4

منال  لسه بتفتح باب شقه حماتها  عشان تدخل تطمن  عليها وفاجاءه لاقيت حد بيخبط ع كتفها ..اتخضت وصوتت  وبتبص وراها  لاقيت  عبد الحكيم  واقف ادامها ..قالها ايه مالك  مكنتش اقصد اخضك . ومنال عماله تشهق   وصوت نفسها طالع نازل  وعبدوة  بيهدى فيها ..خلاص يا منوله مكنتش اقصد مش معقول مسمعتيش صوتى وانا طالع ولا صوت البوابه وهى بتتقفل . منال بصوت محشرج من الخوف ..مسمعتش ياعبدوة اى حاجه ..عبدوة طيب خلاص  انتى بتعملى ايه هنا  بتفتحى شقه ماما ليه....منال بتبصله باستغراب ..هو ايه ياعبدو  اكون بعمل ايه .طنط لغايه دلوقت نايمه مخضوضه قلت اطمن عليها ..وبعدين انت رجعت تانى ليه؟؟ ..وبصوت واطى . ولا يكونش بيتهئيلى زى الصبح ..عبدو وهو بيكلمها بيدخل شقتهم . وهى دخلت وراه..استغرب لما لاقى الشقه كلها متفتحه مش من عوايد منال..

عبدوا ..مالك يا منال مفتحه الشقه كدة.

.منال بترد عليه ...هاااا..النور قطع فقلت انور الشقه ..مقلتش ايه رجعك تانى 

عبدوة . نسيت اوراق رايح بيها الفرع الرئيسى ومفتكرتش  الا لما  نزلت والحمد لله مابعدتش دى ماما اللى فكرتنى بتقولى ايه منزلك بدرى كدة عن معادك فكرتنا متخانقين

منال ..طنط.. انت هاقولى  زمنها زعلت  لما قلتها وراك مشوار شغل وبعدين لما هى صاحيه مطلعتش لبه زى عوايدها 

عبدوة. بيضحك على كلام منال لاء ماما مش هنا دى سافرت البلد النهاردة...

 سنويه بابا  كمان يومين  انا كنت ناسى خالص ..وبياخد نفس  بحزن .الله يرحمه

منال ..الله يرحمه  ويغفرله . بس هى مقلتش ليه كنا رحنا معاها.بدل ما تسافر لوحدها

عبدوة يعنى دى اول مرة يا منال ماهى كل سنه كدة من وقت ما بابا اتوفى .يلا انا نازل بقا عشان أنأخرت واعملى حسابك هاتاخر النهاردة..وماما كمان هتبات عند  عمتى   كم يوم

منال . عبدوة . خد بالك من نفسك وطمنى اول ماتوصل ..عبدوة ضحكلها ونزل حاضر يا حبيبتى يلا سلام عليكم

منال وعليكم السلام.  قفلت  باب الشقه بسرعه وجريت   تبص عليه وتتاكد انه  هو فعلا ومش بيتهيء  لها  المرة دى كمان ومسكت تلفونها واتصلت عليه وهو بيركب العربيه  فبصلها  وشاور بايدة وفصل عليها  وركب عربيته ومشى  ..وقتها منال اتنهدت  وحمدت ربنا انه هو فعلا ومفيش حاجه  دة اكيد نفسبتها تعبانه ودخلت م البلكونه ولسه بتدخل النور جهه والقرءان اشتغل ..ارتاحت 

ام منال   ماشيه فى الشارع عشان تطلع على ناصيه الشارع تركب الميكروباص وتروح لمنال تطمن عليها..فقابلتها ام سميرةجارتهاوصبحت عليها وبتقولها رايحه فين  بدرى كدة يا لطيفه

صباح الخير يا منيرة . رايحه لمنال  اطمن عليها..

ام سميرة . ليه كدة مالها طمنينى 

ام منال. مفيش رايحه اطمن عليها..بس 

ام سميرة طيب بقولك صحيح قبل ماانسى  عاوزاكى تيجى معايا عند  الشيخه دلال انتى عارفه بخاف اروح لوحدى

ام منال ليه تانى  مش بنتك اتجوزت الحمد لله

ام سميرة بترد عليها بزعل  وتقولها اتجوزت ..ياريتها مااتجوزت ولا اتهببت كانت جوازة الشوم والندامه..ام منال بخضه يا خبر ليه كدة مش دة اللى كانت  هتموت نفسها عشانه حصل ايه.. ام سميرة ..الندل طلقها من بعد الجواز بكم يوم وقاعدة فى ارابيزى ليل نهار تعيط .قلت مابدهاش بقا لازم اروح لدلال تشوف ليكون معمولها عمل كدة ولا حاجه خلا جوزها مش طايقها..طب روحى الاول شوفى دكتورة نفسيه بنتك من قبل الجواز وانا بتحايل عليكى تتابعى معاها عند دكتور نفسى مش عيب يعنى 

ام سميرة بتتنرفز على ام منال. واناقلتلك يالطيفه  ١٠٠ مرة بنتى مش مجنونه ومفيهاش اى حاجه بطلى تطلعى عليها كدا. ام منال ..المرض النفسى يا منيرة زيه زى المغص والصداع ..وبطلى تقولى اسمى فى الشارع كدة  بزعيق.هتطلعى عصبيتك عليا ..سميرة زى منال واخاف عليها بردوة..ويهمنى صحتها وتكون كوبسه..

ام سميرة..يوووة مقصدتش بقا يا لطيفه

ام منال..بردوة لطيفه . انا ماشيه.. عشان بنتى مستنيانى . 

ام سميرة ..بتضحك بطلى قمصه بقا . هتيجى معايا عند دلال.و لا قلتى ايه ؟؟؟

ام منال ..بتسكت شويه وتتنهد ...أمرى لله حاضر اعمل ايه مقدرش مجيش معاكى بس بلاش النهاردة خليها الخميس الجاى واتصلى احجزى عشان منقعدتش 

ام سميرة. حبيبتى يا لطيفه وتبوسها متحرمش منك

ام منال ..ماشى اعديهالك المرة دى يلا سلام

ام سميرة . سلام ..مش فاهمه بقت تكرهه اسمها ليه  دى

ام منال وصلت بتبص لاقيت منال واقفه فى البلكونه..  شاورت لها عشان تفتح الباب وهى طالعه..منال اول ماشافت امها طالعه حمدت ربنا قاعدة مرعوبه من وقت ماعبدوة نزل بسبب اللى حصل  .. بتفتح الباب ..وبسرعه فى الكلام بتقول لامها ايه اللى اخرك كدة  كل دة فى الطريق

ام منال ..طب اصبرى عليا ادخل وارتاح

منال ..ادخلى يا ماما اقعدى وارتاحى ...ام منال ..خير اول مرة الاقيكى  قاعدة فى البلكونه . روحى اسقينى الاول ريقى ناشف ..منال ..ماهو اصل يا ماما .. بخوف وقلق ..امها بتشخط فيها فيه ايه انطقى ...ماما..انا خايفه ادخل المطبخ  والتور قطع تانى تعالى معايا

امها ..بت .بطلى دلع هيحصلك ايه امشى هاتى المايه انجزى ريقى ناشف...منال بتمشى  وهى مرعوبه .بتقول فى سرها وهو انا جايباها عشان  تشخط فيا تخوفنى اكتر  .. بتدخل المطبخ والنور قطع تانى ولسه بتفتح التلاجه لاقيت ايد بتمسك ايدها   وبتقولها . شربى امك ومشيها ..منال سمعت كدة صوتت واغمى عليها