منال والدجاله دلال... الجزء الخامس

ام منال سمعت صريخ بنتها اتخضت وجريت بسرعه على المطبخ لاقيتها واقعه على الارض  فضلت تفوٌق فيها وتصحيها مش راضيه تفوق ومنال  واقعه  على الارض  والنور قاطع مش شايفه اى حاجه . لاقيت منال واقعه ع السجادة فضلت تشد فى السجادة لبرة المطبخ  عشان تفوقها وتشوف مالها  وشويه وجرس الباب رن ..الله. ازاى والنور قاطع . امها اتخضت..فبتجرى تفتح الباب تشوف مين ..مالقتش حد على الباب ..فضلت تقول مين على السلم محدش رد وبصت من بير السلم عشان تشوف مين نازل .ولا حد نازل ولا طالع ..دخلت لبنتها.بسرعه وقفلت باب الشقه وراها ليكون حرامى مستغل وجودهم لوحدهم ..وجابت مايه  وبترش ع منال . فاقت وقعدت تصرخ ..مسك ايدى مسك ايدى. امها هو مين اللى مسك ايدك  محدش غيرنا هنا .....وفضلت منال تعيط وتردد كلمه مسك ايدى كتير..امها اخر مازهقت منها قامت ضرباها.بالقلم على وشها عشان تفوق. ومنال  حطت ايدها  على وشها وقالت...اي  يا ماما وجعتينى ليه كدة.

.امها ردت عليها عشان تفوقى  مالك ..

الله ماكنتى بعقلك

منال بتبص لامها وبتعيط عقلى ..

انا معرفش مالى فعلا انا الظاهر اتجننت  بقيت بشوف  وبسمع حاجات غريبه فى الشقه..بس دة كله محصلش الا لما رحنا عند  الدجاله الجاهله دى ياريتنى ماسمعت  كلامك..

وفاجاءه  النور جه وصوت القران على اووى فى الشقه  وباب البلكونه اتقفل  وصوت جرس الباب رن كل دة فى وقت واحد مابقوش مركزين ولا عارفين يبصوا على ايه ولا ايه

منال بخووف. شفتى يا ماما .ايه اللى قفل البلكونه اوى كدة

امها . تلاقيه الهوا هيكون ايه يعنى قومى بلاش كلام فاضى. اماااروح اشوف مين بيضرب الجرس

بتفتح باب الشقه . لاقيت  محصل الغاز واقف على الباب ..

بيقولها ايه يا مدام بقالى  كتير بضرب الجرس

ام منال . يبنى النور كان قاطع لسه جاى حالا 

محصل الغاز بصلها باستغراب  وقال لها . يامدام انا بضرب الجرس وسامعه بيرن  وبعدين ماهو السلم منور  من وقت ماطلعت  ازاى قاطع عندكم

يبنى انا من شويه سمعته وفتحت الباب مالقتش حد .حضرتك انا واقف من بدرى ومحدش فانح الباب خالص ..ام منال بصتله وبرقت عينها . نعم بقولك فتحت الباب وطلعت ابص كمان ع بير السلم ولا شفتك ولا شفت اى حد واقف..محصل الغاز ..قال فى نفسه .دول ناس مجانين ع الصبح انا  واقف ادام الشقه فوق الربع ساعه بضرب الجرس ع الشقتين محدش رد..المهم يا مدام ..ممكن اخد القرايه وادى وصلات الشقتين لان شقه الحجه ام عبدوة بردوة محدش بيرد انفضلى .واخد القرايه ومشى. قفلت الباب ووقفت شويه ..تفكر فى كلامه . لما هو ضرب الجرس وانا فعلا سمعته وطلعت ماشفتهوش ولا هو شافنى ازاى وهو واقف واشمعنى لما النور جهه بجد شفته... لاء انا اعمل زى منال مافيش خرافات دى..اماااروح اشوف بنتى

 عند الدجاله منال...قاعدة  وشايفه وفاهمه ايه بيحصل عند منال وعماله تضحك. وبتقول انا تشتمى عليا وتقوليلى جاهله انا هاوريكى الجاهله دى هتعمل فيكى  ايه يا متعلمه يا بتاعه المدارس

وتضحك ضحكه تخوف

وبتدخل عليها .الست ام رامى  اللى شغاله عندها بتقولها شيخه منال..ام سميرة لسه مكلمانى وبتقولى  عاوزة تيجى هى وام منال وعاوزين ياخدوا معاد.  اديهم معاد امته؟؟؟

دلال. سمعتها وفضلت تضحك وتضحك لدرجه الست خافت وقلقت طلعت وقغلت الباب وراها وقلبها فضل يدق م الخوف.وجواها بيقول. لولا الحوجه مكنتش اشتغلت هنا بس اعمل ايه بس ياربى . سامحنى ورايا كوم عيال ابوهم طفش وسابهمولى ..محتاجين فلوس وهى بصراحه ايدها فرطه ومش مخليانى عاوزة حاجه . بس بخاف منها ومن العفاريت  اللى محاوطانى دى فى كل حته

وهى واقفه سمعت دلال بتكلم حد وتقوله عاوزاها تجيلى هنا زاحفه على رجليها وتقول حقى  برقبتى وعشان تعرف ان الحل للى هى فيه دة الجاهله اللى عماله كل شويه ترددها زى اللبانه فى بؤها ..

يلا يافتحى روووح وزود العيار حبتين  وضحكت.   ام رامى  .سمعت كل دة وجريت بسرعه على برة فى  الشارع  وهى خايفه ومرعوبه من اللى سمعته . وفى نفس الوقت خايفه ربنا يحاسبها ويعمل حاجه فى ولادها..وفاقت على صوت دلال  بتقولها . عماله انادى عليكى يا وليه  مش سمعانى كل دة ادخلى واقفه عندك بتعملى ايه. اتخضت ام  رامى ودخلت معاها. قامت دلال قالت لها ..عاوزاكى تتصلى على  ام سميرة  وتقوليلها تيجى بكرة بعد المغرب انا فضتلكم معاد بالعافيه مفهووم...ردت ام رامى بخووف ..حاضر ياشيخه دلال مفهووم...ووقفت مسهمه وساكته..وقامت رجعت شخطت تانى فيها 

جرالك ايه   يا ام رامى مالك مش على بعضك كدة النهاردة فيكى  ايه؟؟؟

ام رامى ..بهمهمه وخوووف ..ابدا ابدا منتى عارفه العيال ومشاكلهم هيكون فيا ايه يعنى ..حاضر اكلمها حالا وطلعت وسابتها وقفلت الباب وراها