#وبينا ميعاد#القصه_الاولى #دعاءومصطفى#الجزء_الاول1

حبيت احكى واعرفكم ان كل شيء ربنا كاتبه لينا  بميعاد .. زى حكايه  دعاء ومصطفى وأد ايه القدر  مقرر ليهم  اللقاء  بعد ماسنهم عدى سن الحواز الحقيقى!! دة على قولهم واعتقادهم  وافتكر كل واحد فيهم انه خلااص المرحله دى مش هتيجى فى حياتهم وان كل واحد فيهم عمرة ما هيقابل حب عمرة ..وان فعلا كل اتنين بيبتدى بينهم حياه ..بيكون بينهم معاد..ودى قصتنا الاولى 

وحكايه دعاء ومصطفى . 

وبينا ميعاد❤

دعاء..عندها ٣٨ سنه ..جميله  وطولها مناسب لهى قصيرة ولا هى طويله..ملامحها هاديه تخطف اى حد يتكلم معاها .بس للاسف ولا عمرها مرت باى تجربه حب ودة بسبب اكيد  ..مفيش حاجه بتيجى من فراغ.. اتاخرت فى الجواز بحجه دراستها وكليتها ولازم تثبت نفسها الاول وتحقق اللى هى  نفسها فيه  وتبقا حاجه وبعد كدة . تبقا تفكر فى.الجواز ..كدة كدة هتجوز ...كلام كانت بتصبر بيه نفسها..بس فى كل مراحل التعليم كانت بتخاف تقرب من حاجه اسمها راجل ..كل فكرها عن الرجاله همهم شيء واحد وبس ...وبيضحكوا على البنات وبيستغلوا  ضعفهم و بيوقعوهم فى حبهم وبيخلوهم يتنازلواوعلى كتير من مبادئهم باسم الحب💔...كانت كل ما واحدة صاحبتها تحكيلها انها اتعرفت على واحد وحبيته ..وهو دة اللى لو متجوزتوش هيحصلى  وممكن اموت لو متجوزتوش ..وليل نهار حب وغرام وسهر طول الليل كلام فى التليفون وطول النهار  معاها بيزوغوا من محاضرات وبيلفوا فى اى شوارع على رجليهم او حتى بيقعدوا فى كافيهات المهم يكونوا معاهم..وعشق وغرام واحلى كلام ةبسمعه منهم ولما بسمعهم  كنت بعيش جوا حكايه كل واحدة فيهم وكان نفسى اجرب واحس زى ما بيحسوا بدة وازاى هما كدة فرحانين بالاحساس دة..بس للأسف هما بردوة اللى خلونى ارجع واحمد ربنا انى مدخلتش فى اى علاقه من النوع دة لان. اقل من شهرين تبدأ المشاكل بينهم وبعد ماكانوا كل يوم مع بعض بيتحول الحب دة   لخناق وزهق ومش طايقين تصرفات بعض..وهو كمان  يبتدى يتعرف على واحدة غيرهاا او هى تعرف بالصدفه من اصحابها انه بيضحك عليها وكان بيضيع وقت وبيتسلى😑 ..

وخدو من دة كتير عقدونى اصحابى من اللى كنت بشوفوا منهم ..وبرجع واقول الحمد لله انى مجربنش دة كلة ..هو انا كنت ازاى اقدر استحمل دة يحصلى ..افضل حاجه مسلمش قلبى لحد ..وانتبه لدراستى ومستقبلى 

وخلصت  دراستى وأشتغلت وعملت ماجستير ودكتوراة وعدى سن العشرينات بسرعه ..كلها مذاكرة وسهر ..حققت ذاتى فعلا..بس بصيت حواليا لافيت اصحابى كلهم اتجوزوا وخلفوا واولادهم كمان فى منهم اللى فى ابتدائي وفى منهم اللى فى الحضانه وفى اللى معاه دة ودة.وانا..ولا حد بيتقدملى اصلا..مع انى فى مقياس الجمال ..جميله وشكلى مقبول بس ليه محدش عاوز يتقدم عشان اخد فرصه حتى فى انى افكر فى موضوع الجواز. او احس حتى كل المشاعر اللى بسمع عنها وبقراها .واهو اكون خضت التجربه زى زيهم 

..فكرة الجواز ابتدت تلح وتيجى على بالى كتير فى الفترة الاخيرة وخصوصا لما شفت اولاد اصحابى  ..بصيت لاقيت سنى عدى ٣٦سنه..وماما  الحمد لله مش زى باقى الامهات بتزن عليا عشان اتجوز  كان كل اللى يهمها انى اكمل دراستى  وكدة كدة الجواز هيجى  وله معاد ولا كنت بسمع كلام منها زى اللى بنسمعه فى النلفزيون..يابنتى نفسى اشوفك عروسه..يابنتى عاوزة اطمن عليكى قبل ما اموت..ولا اى كلام دة بسمعه..بالعكس كانت بتدفعنى دايما للتفوق وانى اثبت نفسى وشخصيتى واوصل اللى انا عاوزة اوصله وتحفيز وتشجيع ليا من  وانا فى اولى ابتدائي..

امى مكملتش تعليمها زمان بسبب جوازها من بابا واتجوزت صغيرة جدا..خلفت اخواتى الصبيان ورا بعض وانا اخر العنقود بعدهم بسنين كتير..اخواتى اتعلموا وسافروابرة . وهما فى الكليه قرروا انهم يكملواا حياتهم بعيد عننا ..حتى لما بابا مات منزلوش العزا واالا حتى قالوا اصبروا. لازم نحضر الدفنه  ونكون معاكم .محصلش..كل اللى قالوة ..مش عارفين ناخد اجازة..وهو كدة كدة مات ليه تاخروا الدفنه ..اكرام الميت دفنه... 

امى وقتها زعلت جدا😥 لان لاقينا نفسنا اتنين ستات بياخدوا العز وفى رجاله مفروض تاخد العزا استخسروا انهم ياخدوااجازة مدفوعه الاجر حتى لو يومين ويرجعواتانى المهم انهم يحسسونا ان لينا ظهر بعد ما بابا مات ويكونوا سندنا بعدوة . بس محصلش كل دة الغربه قستهم عليا انا وماما ..

لكن هما مع بعض هناك وكان مالهمش حد يسألوا عليهم..هيجى ايه اكتر من موت الاب ..اللى بيكسر اى راجل لما ابوة بيموت هما متأثروش بيه..!

ماما بعدها قالت.. انا غلطت لما وافقت ع سفرهم برة . الغربه بتقسى فعلا بس مكنتش متخيله كدة انها هتقسى اولادى عليا وعلى ابوهم...

وقتها بقيت لامى انا امها وابوها وابنها وبنتها بقيت كل عيلتها ..ملهاش غيرى  وخصوصا انها كانت وحيدة جدى وجدتى ..ومن وقت ما كبرت حبه وهى بتعاملنى كانى صاحبتها مش بنتها......فى يوم رن التفون ولاقيت نهى صاحبتى بتعزمنى على فرح اختها مريم ..واصرت عليا لازم اجى...وبصراحه قلت فرصه اشوف اصحابى اللى بقالى سنين مشفتهمش بسبب الشغل والمذاكرة...وفضلت  افكر البس ايه ..بقالى كتير محضرتش اى فرح ..وفساتينى موضتها قدمت اخر واحدة من اصحابى متجوزة من ١٠ او ١١ سنه . ..قلت لازم انزل اشترى حاجه واهو عشان  احس انى بردوة بنت وبلبس وبتنزووق زى زيهم....

وجه يوم الفرح ورحت وكانت المفاجاءه ان اصحابى كلهم شكلهم اتغير  بسبب الحمل والولادة والعيال والمذاكرة..مابقتش مصدقه ان دوول اللى كانوا بيلبسوااحدث صيحات الموضه ولا شعرهم اللى كل كم يوم عند الكوافير. بقوا كدة.!!

.فضلت اقول  ياااه هو انا بقالى كم سنه مش بشوفهم اد كدة اتغيرنا...وانا كمان اتغيرت ..سنى كبر  .. يمكن بدا يظهر شعر ابيض  وملامحى ابتدت فعلا تتغير شكلها . بس هما عندهم بيت واولاد وعيله وانا ...وصلت لسنى دة وحيدة..وفضلنا نضحك ونفتكر ذكرياتنا مع بعض ونضحك ولاول مرة من سنين ابقا مبسوطه كدة وقررنا ان لازم نعمل يوم لينا نتقابل فيه ...المهم مشاغل الحياه متبعدناش تانى ..

..طبعا كان الاتفاق  ان لازم مكان يكون فى مكان مخصص للاطفال عشان يقضوا وقت براحتهم ..وفعلا اتكررت مقابلتنا وفضلنا كدة لمدة سنتين لغايه ما مريم اخت نهى اتوفت فى حادث  وكانت نهى منهارة بمعنى الكلمه....ودخلت المستشفى بسبب انهيار عصبى ولاقيتنى مسؤله عن طفلين ..مكنش ينفع اسيبهم وخصوصا نهى امها  وابوها متوفين واحنا فى الثانوى وحماتها وحماها كمان وجوزها مسافر وقال حجز وجاى هو واخوها من برة ....وقتها افتكرت اخواتى الرجاله اللى ابوهم مات ولا فكروا يجوا واخوة نهى اخته ماتت ساب كل حاجه ومهموش هو وجوزها عشان يقفوا مع نهى فى المحنه دى..

.أخدت اجازة من شغلى ولاول مرة من سنين اخدت الاولاد عندى البيت .عشان ماما تاخد بالها معايا معنديش خبرة ولا اى تعامل مع الاطفال قبل كدة.....عدى ١٠ ايام ونهى حالتها ما استقرتش..وانا وسارة صاحبتناالثالته قلنا لازم واحدة منا تفضل معاها طول الليل تتكلم وتحكى عن ذكرياتنا زمان وماتجيبش سيرة اختها خالص

نهى كانت متعلقه بمريم جدا

هى كملت تربيتها بعد ما طنط اتوفت بتعتبرها زى  بنتها..مريم للاسف كان عندها مشاكل مش بتخلف ..ودة كان مسبب مشاكل كتير بينها وبين جوزها..ويوم ما ماتت محدش عارف كان حاصل ايه مخليها متعصبه وهى سايقه لدرجه تتقلب بيها العربيه متعرفش تسيطر عليها...بس دة عمرها...الله يرحمها..

ماما ولاول مرة احسها مبسوطه وفرحانه بوجود سبف ويوسف ولاد نهى وكأنهم احفادها ....بتاخدهم وتنزل  تروح السوبر ماركت وتفسحهم فى النادى ..اللى بقالى سنين بتحايل عليها تنزل يوم اجازتى ..ولا بترضى ..من ناحيه فرحت جدا ومن ناحيه تانيه فكرت لما نهى  تفوق والولاد يرجعوالامهم !!

حاله امى هتكون ازاى؟؟؟

..وفى يوم مناوبتى  مع نهى ..لافيت شاب فى اول الاربعينات طويل وعريض وشعره جزء الابيض طاغى على باقى الشعر الاسمر  وملامحه مش غريبه عليا  ..ودخل الاوضه وانرمى فى حضن نهى وفضل يبكى بحرقه ولا كأنه شايفنى قاعدةولا اخد باله منى..وانا فضلت عماله ابص عليه..لاول مرة راجل  يلفت نظرى ..وبكاؤة وجع قلبى اكتر ..افتكرت انه اخو نهى الكبير بس انا معرفش هو  بالحنيه دى..طول عمرى بسمع عنه وبس

 مكنش فى بالى انى اول مااشوفه

..اشوفه هنا فى الظروف دى !!!..حاولت افتكر اسمه ولا عرفت...دخلت علينا الممرضه وقالته يا استاذ حضرتك كدة غلط عليها كدة بتأذيها اكتر..لو سمحت اتفضل  سيبها ترتاح ....وبيرفع عينه لاقانى قاعدة من ناحيه تانيه من السرير.وقالها اشمعنا دى قاعدة ..وبصلى مين انتى ...لثوانى بلمت ولا عرفت انطق... لاقيتنى برد بخوف وكأنى عامله مصيبه ..قلت  انا دعاء صاحبه نهى من ايام الثانوى..وبمنتهى قله الذوووق قالى طب اهلا وسهلا انا ابقا معاها انفضلى اننى ..بصيتله كدة وقمت ماشيه من غير ماأرد عليه حتى  اى كلمه وفضلت طول الطريق متعصبه وشايطه ازاى يكلمنى كدة!!..

وبقيت مخنوقه م العياط. وفى نفس الوقت الفون رن

..بصيت لاقيتها ..ساره ..بتطمن ع نهى وعليا ..وفاجاءة اتفتحت فى العياط ومعرفتش ارد على اى كلمه . هى كمان ابتدت تعيط جدا افتكرت ان نهى ماتت ..ومفوقتش  الا على كلمه ..هى  ماتت  ماتت؟؟

 ..بقولها مين  اللى ماتت؟؟؟

..قالتلى نهى..قلتها نهى ماتت ازاى..فرددت عليا هو انتى اللى بتسألينى  انتى هتجنينى يابنتى ..مش انتى قاعدة معاها  اومال انتى بتعيطى ليه. قلتلها نهى زى ماهى 

...قالتلى ياشبخه خضتينى حرام عليكى هى زى الفل  يعنى ..الله   اومال بتعيطى اووى ليه كدة حصل ايه..وحكتلها كل اللى حصل لغايه ماهى رنت عليا...قالنلى معلشى انتى ماتعرفيش مصطفى كويس دة حد.حساس اووى وبيحب اخواته بجنون  منتى عارفه طنط وعمو  ماتوا وهو ونهى فضلوا كانهم اب وام للبيت .

 فلاقيتنى بمنتهى الرقه برد عليها اسمه مصطفى ..وسارة ردت بنفس طريقتى اها اسمه مصطفى ..هى السنارة غمزت يا دعاء شكلها. دافعت عن نفسى ورديت بالامبلاه... لاء سنارة ايه بس؟؟؟

و جوايا  شعور واحساس غريب..عاوزة اعرف عنه كل حاجه ..قالتلى ع العموم احمد جوزى لسه مكلم حسين جوز نهى وقاله لسه هيجى كمان اسبوع ومصطفى بس اللى رجع...... المهم ..هو ايه حكايته عاوزة افهم ليه اتعامل معايا كدة..ياستى رًوحى بس واهدى كدة وبعد كدة ابقااحكيلك

وبعد اسبوع كان  حسين جوز نهى رجع من السفر

وكلم دعاء  عشان عاوز ياخد الاولاد منها وشكرها على تعبها مع الاولاد ومع نهى . انا من وقت ما شفت مصطفى فى المستشفى ولا قادرة اروح وهو هناك . ساره راحت وكلمته  وحكتله ع الموقف اللى عملوا معايا من غير ماتعًرفنى انها حكتله..ومصطفى .قالها انا أسف معرفش انا اتصرفت كدة ازاى وفعلا اتضايقت  لما مشيت والممرضه حكتلى ع اللى بتعمله  معاها وكمان عرفت من حسين انها واخدة  يوسف وسيف عندها حسيت انى مدين لها باعتذار. ودعاء كانت بتتعمد انها مانروحش فى الوقت اللى مايكونش هو موجود فيه . مش عاوزة   تصدق اللى حاساه جواه ولاول مرة فى حياتها. خايفه يكون دة الحب اللى هى كانت بتسمع عنه طول حياتها بس ولا مرة عرفت معناه ولا هو ايه وبتحس بأيه الا لما شافت مصطفى

وراحت دعاء المستشفى عشان تطمن ع نهى  وأخدت سيف ويوسف  معاها.. والاولاد  بعد ما شافوا حسبن وطلب منها انه ياخدهم ..الاولاد رفضوا وفضلوا يعيطوا عشان يروحو لتيته مرفت ام دعاء....

نهى  حالتها زى ماهى .وحسبن فكر لما شاف اولادة كدة  هما لسه صغيرين ومحتاجين اهتمام ورعايه..فرجع فى كلامه واعتذر لدعاء على انه متقل علبهم  وعلى والدتها..بس للاسف حسبن ابوة وامه متوفين من زمان  ومالوش غير اخ وحيد عايش برة وعماته  مالوش تواصل اووى بيهم انه يسيب اولادة عندهم وخصوصا انه بقاله سنين مايعرفش ظروفهم ايه  وهيعاملوا الاولاد ازاى وخصوصا ان نهى مش عارف هتفوق امته من غيبوبه دى 

دعاء اكدت له انها مبسوطه وان امها رجعت تحب  حياتها تانى وتهتم بصحتها عشان سبف ويوسف..ومتعرفش حالتها كانت عامله ازاى  وانا واخدهم وجايه هنا وفضلت تاكد عليا انى اجيبهم معايا وانا مروحه بيهم

وقتها اتاكد حسبن ان أولادة فى ايد ناس هتخاف وتحافظ عليهم  ولما شاف كمان دعاء اخدت اجازة من شغلها وقاعدة مع نهى ..قال سبحان الله ربنا بيعوض نهى عن مريم بدعاء 

وعدى شهر وابتدت نهى تفوق..

وكل دة ومصطفى مشفش  دعاء طول الشهر دة

كانت دعاء بتتعمد ما تكونش فى الوقت اللى هو موجود فيه..وفى يوم  خروج نهى من المستشفى ..حسبن اتصل عليها وقالها تجيب الاولاد وتيجى ع البيت ع طول مالوش لزوم تروح المستشفى وترجع تانى ع البيت  وقالها انا اديت لمصطفى عنوانك لما عرفت من سارة ان عربيتك بتتصلح  وهو هيفوت عليكى وياخدكم يوصلكم واحنا جايين فى الطريق... سمعت ومعرفتش أرد. ارتبكت جدا.. وقفل معايا 

وفاجاءه لاقيت رقم غريب بيرن !!!

ردت ولاقيته بيقولها دكتورة دعاء..

معاكى  مصطفى  اخو نهى ...سكتت لحظه واستجمعت  نفسها وردت ...اها اهلا بيك...انا جاهزة انا والاولاد  انتا فبن واجيلك

قالها لااا انا واقف تحت العمارة انزلوا انا مستنيكم  هو حسبن معرفكيش  انى جاى ولا ايه؟؟؟

قالتله...لاا عرفنى بس اصله لسه قافل معاياوانت اتصلت ع طول..قالى اسف اصلى  كنت قريب من بيتكم  فقلت لسه عقبال ماتجهزى  هتاخدى وقت انا تحت البيت اجهزى وانا مستنيكى 

ونزلت ..لاقيته بمنتهى الزووق بينزل من العربيه وبيفتحلى باب العربيه وقفل ورايا لما دخلت وأخد سبف ويوسف باسهم وسلم عليهم  ..

ولا قيته بيدينى بوكيه ورد🌹🌹 وبيتأسفلى على اللى حصل يوم ما شافنى . وقالى مكنتش اقصد بس وفاه مريم ودخول نهى المستشفى كنت فى حاله صعبه اكيد مقدرة حالتى..فانا بعتذر  على طريقتى معاكى  واستنيت اشوفك مرة تانيه  بس للاسف مكنتيش بتيجى او ...وسكت وبصلها ومعرفش يكمل كلامه

رديت عليه  وقلتله..اكيد مقدرة اللى كتت فيه ..المهم ان نهى اتحسنت وفاقت الحمد لله

مصطفى بص لها وابتسم .وقالها ممكن اسالك سؤال...من غير  ماخد بالى . قلتله اكيد هتسألنى مكنتيش بتيجى ليه  وأنا موجود؟؟؟استغرب وقالى فعلا   كنت اسالك كدة ..لاقيت نفسى مش عارفه اجاوب عليه ..قالى ..هاااا ؟؟؟

قلتله ..هااا ايه.مصطفى ..قالى جاوبى يا دعاء ليه مكتتيش بتيجى وأنا موجود

وانا جوايا كنت عاوزة اقولها لانى ببساطه يا مصطفى حسيت ولاول مرة فى حياتى بالحب ❤وان  النغز اللى اتنغزته فى قلبى دة كان معناه ان قلبى دق ولاول مرة🤗

يتبع