#وبينا ميعاد#قصه_دعاءومصطفى
حكايه دعاء ومصطفى _الجزء الثانى
سرحت جوايا وانا بوصف لنفسى وكان كل امنيتى انى اقوله كدة انى فعلا حبييتك وكنت بسمع عن الحب من اول نظرة واقرء كتير عن الحب وقصصه وحكاياته بس كنت بخاف اقرب منه بسبب التجارب الكتير اللى اصحابى كانوا بيمروا بيها وبشوفهم اد ايه هما بيتعذبوا بسبب فراقهم. بس بيرجعوا تانى وبيحبوا من جديد وكأن مكنوش موجعين بسبب فراقهم او انهم اتخانوا واتخدعوا
والحب اللى فات فى المرحله دى فى حياتهم. ولا كانه موجود
بس مش دة الحب اللى كنت بدور عليه!!
.انا بدور على حب عمرى اللى يحبنى وما يقدرش يبعد عنى ..
اللى يحس بيا وباللى جوايا من غير ما اتكلم..اللى من نظرة واحدة بس ليا يفهمنى
انه يخاف على قلبى وعلى حبى ويحافظ عليه..لانه هو اللى موجود جواه فبيحافظ على نفسه جوايا ..
اللى آمنه على حياتى وعمرى واطمن فى وجودة ان مهما اشوف ويحصلى يكون موجود
ان لاقيت حضن اخيرا انرمى فيه وانسى بيه كل همومى ومشاكلى
. ان احنا ممكن نختلف ونتخانق بس كل واحد فينا عارف انه مستحيل يقدر يبعد عن التانى .
انا بدور على حب مش موجود ..
بس انا اول ماشفت مصطفى حسبت باحساس مختلف وكأن بينا ميعاد مش فارقه المكان ولا الظروف اللى اتقابلنا فيها بس المهم احنا اتقابلنا وميعادنا اللى بينا حضرناه والاهم انه حس بنفس اللى انا حسبت بيه
مصطفى .قطع تفكيرى .وقالى كل دة مش سمعانى عمال اكلمك..بصتله لثانيه وعيونى كلها عاوزة تقوله منا كنت بكلمك وبقولك وبحكيلك على كل اللى جوايا وكان فعلا نفسى تسمع صوت قلبى ❤ وعقلى
عشان تعرف ان انت نصى التانى ...
لاقيته بيقولى ..هو انتى لسه زعلانه منى شكلك كدة صح..
قلتله ابدا بس سرحت شوى انا اسفه مكنتش اقصد
مصطفى . حاول يغير الموضوع .وسالنى عن ماما
هى عامله ايه .وينفع اجى اشكرها بنفسى عن تعبها مع سبف ويوسف لو مكنش عندك مانع
رديت .وكأنى ماصدقت وفرحت جدا..قلتله اكيد لازم تيجى كمان تدوووق الاكل بتاعها.اكيد الاكل المصرى وحشك
مصطفى ضحك ومع ضحكته وكان الدنيا بتضحكلى ولاول مرة احس يعنى ايه أكون سعيده ومبسوطه لما تشوف حبيبك بيضحك وبتضحك على ضحكته..لاقيتنى بضحك انا كمان ..قالى تعرفى ان ضحكتك مختلفه وجميله . و انى اول مرة من وفاه مريم اضحك كدة مع ان الموقف مافيهوش حاجه تضحك او قلنا كمان حاجه تضحك بس حسيت انى عاوز اضحك وحصل.
وشى احمر ولاول مرة احس ان فى حد بيغازلنى وبياخد باله من تفاصيل وشى انا نفسى مأخدتش بالى منها.. ولاقيتنى بقول بسرعه وبدارى خجلى
الله يرحمها و يقوم نهى بالسلامه وان شاء الله حياتكم كلها هتكون ضحك وفرح
ولاقيت العربيه وقفت مرة واحدة . قالى وصلنا الحمد لله
زعلت واتضايقت قلت ياريت البيت كان ابعد من كدة .ولاقيته حس انى وشى اتغير ..
قالى تسمحيلى ابقا اوصلك . انا ماوريش حاجه خالص
ونهى الحمد لله حالتها اتحسنت.لو معندكيش مانع يعنى
وكأنى ماصدقت قلته بدون تردد.. بس كدة هتعبك معايا.قالى ولا تعب ولا حاجه هاااا
عندك مانع.ابتسمت وقلت.معنديش مانع طبعا . لان عربيتى كمان بتتصلح ولسه ادامها اسبوع عقبال ماتخلص.. قالى طيب كويس جدا . اعتبرينى انا السواق بتاعك فى الاسبوع دة تحت امرك فى اى مشوار ومتخافيش مش هاخد منك اجرة ..بس اجرتى العزومه اللى قلتى عليها اتفقنا. انا وحشنى الاكل المصرى زى ماقلتى
رديت بخجل وقلت اتفقنا. تحب تاكل ايه وايه اكتر اكله بتحبها ..وبسرعه قلت اكيد ملوخيه ومحشى صح
قالى لااااا..للاسف اى اكل بالثوم بيتعبنى كنت اتمنى اكلها بس ممكن الاكل يكون من غير توم
قلته اكيد بس الملوخبه مش هتنفع لازم توم
قالى بلاشها الملوخيه . ..
يلا وبص ليوسف وسيف لاقاهم هادين وساكتين..مستغربهم .وكأنهم حاسين بنهى ومريم واللى حصل ليهم .ورجع تانى لنبرة الحزن. ومسك تليفونه وقالى ثوانى اتصل على حسين واشوفهم فى البيت ولا لسه فى الطريق
..وفى نفس الوقت لاقيت سارة بتتصل بيا وبتقولى لو تعرفى تخليكى مع نهى النهاردة عشان دى اول يوم ليها فى بيتها بعد الحادثه وخايفه يحصل لنهى حاجه وهى الصبح هتيجى تقعد معاها بعد مأحمد جوزها يروح شغله..بقولها بس حسبن ومصطفى معاها مش هينفع وماما كمان هتكون لوحدها متعودتش واسيبها لوحدها كدة اقلق عليها
مصطفى سمع كلامى وردى ع سارة .قالى هما على وصول نستناهم هنا عقبال مايجوا ..انا سمعت كلامك.. مين بيكلمك ومين اللى مش هينفع تسبيها تبات لوحدها
لاقيتنى برد ومبسوطه من اهتمامه وسؤاله كنت بكلم مين.قلتله دى سارة ..بتقولى ابات مع نهى النهاردة فقلتلها مش هينفع عشان ماما قاعدة لوحدها..سألنى .معندكيش اخوات.
دعاء سكتت شوي وبحزن عندى أخين اكبر منى سافروا وكملوا تعليمهم فى انجلترا .ولا رجعوا من وقتها الا مرة واحدة بس ومكملوش اسبوعين ورجعوا تانى اتجوزوا وخلفوا اخويا الكبيرعندوة بنت وولد..والتانى عندوة ولد بس بنشوفهم احيانا على مكالمات فيديو فى المناسبات وبس انشغلوا بحياتهم ونسيوا ان عندهم اخت وام. حتى لما بابا مات منزلوش يدفنوة وسابونا لوحدنا ولاقيتنى عماله احكيله تفاصيل كانت وجعانى وساكته عنها وهو بمنتهى الحب قاعد بيسمعنى ..
قالى كل واحد فينا عندوة كلام كتير جواه ومحتاج حد يسمعه ..بصيت له وحسيت انى دوشته بكلامه فتأسفت له على كلامى الكتير والرغى دة!!
.قالى .انتى بتقولى ايه اوعى تفكرى كدة خالص انا حابب اسمعك واعرف كل حاجه عنك..دة يعنى لو معندكيش مانع
قلته بجد
.قالى بجد.وبعدين ماقلتيش ايه رأيك فى الورد اللى جبتهولك. بتحبى الورد؟؟؟
قلتله اكيد اصل دى اول مرة حد يجيبلى ورد.فأكيد لازم يكون مميز
سألنى .بأستغراب.عاوزة تقوليلى ان كل حياتك دى محبتيش قبل كدة
بصيت ولسه هرد عليه لاقينا عربيه نهى بتركن ونزل منها حسبن ونهى .فلاقيتنى بقوله.نهى وصلت اهى.يلا يا يوسف يلا يا سيف ماما وصلت يا حبايبى وانا بنزلهم من العربيه لاقيته وقف ادامى مرة واحدة وقالى
لسه مجاوبتيش على سؤالى بس هنأجل الاجابه لوقت تانى .وفى ثانيه ادير لنهى وسندها من حسين وقاله خد بالك انت من عيالك وانا اخد بالى من أختى .وانا واقفه ولا عرفت انطق بكلمه كل حاجه بتحصل لاول مرة بتخلى تفكيرى يقف ومعرفش اتصرف ولا اعمل ايه ..
لاقيت حسين بيقولى دعاء .
هااا ايه اللى واخد بالك.مالك ؟؟ سرحانه فى ايه؟ بنادي عليكى كل دة مش سمعانى
بصيت لحسين وقلتله اسفه كنت بتقول ايه
حسبن رد وقالى يلا عشان نطلع معلشى امسكى الاكياس دى بس عقبال مااجيب الشنطه من العربيه وطلعنا وقعدنا طول اليوم مع نهى بحاول اخفف عنها بس عنيها كلها حزن ومهما تحاول تخبى باين جدا عليها
مصطفى قالى اتصلى بممتك وانا اروح اجيبها تقعد هنا انتى شايفه البيت كبير اهو وكمان عشان يوسف وسبف من وقت مارجعوا و نازلين زن عاوزين تيته مرفت
رديت عليه طيب خلينى اكلمها واشوف هتقول
ايه. وماما زى مايكون صدقت ووافقت على طول وراح مصطفى يجيبها
ولاول مرة من سنين احس بمعنى العيله فى وجود امى نع نهى واولادها وجوزها ومصطفى
يتبع
ايه الجمال ده كله 😍😍
ردحذفجميلة جدا 💜