عاشق روحك وتفاصيلك

بكلمها كتير ..

وروحى بتروح ويا روحها لما بسمع صوتها .. وصوت انفاسها وتنهيدها 

حاولت كتير أبين إهتمامى بيها 

بس عمر ماعينها شافت عينى.. طب ازاى أعرف أوصف لها مدى شوقى وحنينى ليها!!

قررت فى يوم أواجهها  وأقولها حتى لو بتلميحه.. إنى بحبك♥️

وأسمع صوتها... أنسى  كل كلمه جوايا ليها 

وياخدنى حنينى لدنيا تانيه معاها فى خيالى. غير إنى أواجهها..!!

وتعبت..تعبت منى إنى عاوز أحسسها بحبى ليها وغرامى لصوتها وتنهيدها لما تتكلم

 وبهجتها لما بتطل . بتطل معاها سعادتى وببقا مش عارف أحسسها إنى بفرح لمجرد إنى بكلمها ونفسى لو مرة تفهم تلميحه إن كل الكلام دة ليها  

وتفهم وتحس بيا

دنا بحلم بيها وانا صاحى وانا نايم ..

أدمنت وجودها فى حياتى وخايف فى يوم تفارقنى 

 واصحى على خبر إنها  بقيت لواحد  غيرى .بس خوفى من ردها عليا  هو اللى مخلينى أقدم رجل وأخرها 

وأقول لسه  مش حسانى ماهى لو حاسه باللى أنا حاسه ..هتفرح لما تكلمنى  وتضحك من قلبها معايا دى الضحكه اللى بتطمنى وبغير لما بسمعها بتضحكها مع غيرى 

.بس خايف إنى أبين لها غيرتى

 وتبعد من كتر إهتمامى وبغير عليها من حبى  وخوفى لتميل لغيرى

بفكر كتير أكلمها وأقولها يا شيخه حس بيا وبقلبى وبنبضاته لما بتكلم وبتنهد  وبسرح فى كل تفصيله بتحكيها وبتخيل كل الكلام دة ليا

.انا بحبك حسينى .مش طالب تحبينى زى ما بحبك بس فى الأول إدينى ريق عشان أقدر وأتشجع وأقول كل اللى فيا . تعبتنينى وتعبتى  كل مافيا حسى بقلبى ولو مرة  عشان أتشجع وأقولهالك ..إنى بحبك وبعشق كل تفاصيلك.❤️

Hayam Hassan