#وبيناميعاد#القصه_الاولى #دعاءومصطفى#الجزءالثالث3

عدى اسبوع على وجودى عند نهى

  و صحتها ابتدت ترد عليها  وماما كمان اول مرة اشوفها كدة مبسوطه وسعيدة من وقت ما بابا مات

اد ايه وجودك مع ناس بتحبهم فعلا بيفرق فى حالتنا النفسيه والصحبه.

نهى ابوها وامها من صغرنا وهنا متوفين .

.لما شفت نهى اتعلقت بمااما  ازاى زى ما اولادها سبف ويوسف اتعلقوا بيها استغربت من اخواتى الصبيان .

.ليه مفيش فى قلوبهم رحمه وحنيه!!!!

 ليه مش حاسبن بوحع ماما عشان متغربين بعيد عنها !!!

ليه كل همهم نفسهم وبس ..ماما ماأثرتش فى تربيتهم وزى ماربتهم  ربتتى بالظبط

طب ليه هما كل القسوة  دى فى قلوبهم ؟؟؟عشان رجاله طيب ماهو حسين ومصطفى رجاله!!

 ومستحملوش يسبوا نهى فى حالتها دى  كان ممكن يتحججوا زى ماخواتى عملوا ويكون همهم الشغل ومكانتهم وبس  لكن للاسف اخواتى قاسين بجد ابتديت اعرف ده متاخر لما شوفت بعينى اد ابه حب العيله اهم شيء فى الدنيا دى هو ده اللى بيهون علينا اى مصاعب ومصايب بنقع فيهاوفضلت اكلم نفسى كدة كتير لغايه ما نهى قالتى  انتى بقالك كتير واخدة اجازة يا دعاء انزلى يا حبيبتى شغلك كدة كفايه واهو حسبن معايا وماما  مرفت كمان..

رديت عليها وقلتها

 ماتقوليش كدة يانهى احنا اخوات وانتى عارفه انا بقالى سنين ماخدتش اجازات وعندى مخزون يكفى سنين ماتشغليش بالك انتى بس انا اسيبكم اروح اجيب العربيه عشان اتصلحت..... ومصطفى بسرعه وبدون تردد قالى استنى انا نازل رايح مشوار اوصلك فى سكتى ..وكأنى كنت مستنياه يقولى كدة.وبدون تردد واقفت وهزيت راسى من غير مانطق بكلمه

 ولاقيت مصطفى بيقولى انا نازل اخلص شوى اوراق  خاصه بمريم الله يرحمها مع المحامى وجوزها تعالى اوصلك الاول تجيبى عربيتك بدل ما تحتاسى مع السواقين 

وكأنى ماصدقت  انه طلب منى كدا من غير ماأرد قمت دخلت الاوضه ولبست فى اقل من 5 دقايق ..ونزلنا واحنا فى الطريق قالى نهى الحمد لله صحتها ابتدت تتحسن 

انا مش عارف من غيرك انتى وماممتك اللى حسيت ان ربنا عوضنا بامنا بعد السنين دى  كلها مش عارف من غيركم  كنا عملنا ايه انا ونهى 

انا اوقات بيعجز لسانى ان انطق وارد لما بلاقينى عامله حاجه لحد او انى ساعدت حد محتاج بجد مساعده بس المره دى سكت وبلمت ولاقيت مصطقى بيقولى ....دعاء مالك من وقت مانزلنا ما بتتكلميش ولا يتردى عليا انا مزعلك ولا حاجه؟؟؟ 

قلت له لاء طبعا 

بس مش عارفه ليه بتقول كده احنا اهل ومفيش شكر بين الاهل

و لو  نهى مكانى  كانت عملت اكثر من كدا

مصطقى ..طيب  انا سالتك سؤال من اسبوع وماردتيش عليا 

دعاء باستغراب سؤال ايه ؟؟؟

مصطقى  قالى كنت عارف انك نسيتى ..المهم لما جبتلك الورد سالتك حد جابلك ورد قبل كده

دعاء.بصتله  وردت ممكن تستغرب دة بس اناعمرى ماخد جابلى ورد ولا حتى اخواتى   فى اعياد ميلادى مع انى اخر ابعنقود زى مابيقولو ا وهما اكبر منى بكتير والمفروض  ابقا مدلعه منهم بس محصلش خالص

مصطفى . قالى طب انا بحب الورد واسمحيلى بقا  لازم تقبلى منى الورد دة كمان مرة وقام  وقف بالعربيه ادام محل ورد ونزل وغاب شوى ..ورجع باحلى بوكيه  ورد

وقالى ولا تزعلى تفسك كل يوم ليكى ورد منى ليكى اعوضك عن   السنين اللى فاتت دى كلها اللى كان مفروض  يجيلك فيها احلى هدايا....قضيت معظم اليوم كله مع مصطفى  وف الاخر  رحت عشان استلم عربيتى وهو صمم انه يخلينى   اسوق وهو يمشى ورايا بعربيته لغايه ماوصلنا 

والغريب ان ماما اللى كانت كل شويه قلقانى بالاتصال  طول ما أنا برة البيت.ولا مرة اتصلت تطمن عليا وكنت مستغربه اوى بس لما رجعت عرفت ان نهى  واولادها  شغلوا حياتها وحسيت بذنب انى  متجوزتش وجبت احفاد  لامى .. كان فعلا فرق معاها كتير 

عدى شهر وكنت كل يوم تعلقى وحبى لمصطفى بيزيد... وفى يوم  ومن غير اى مقدمات لاقيت نصطفى بيقولى ...

يعنى هو كدة خبط لزق مابعرفش ازوق الكلام..تتجوزينى يا دعاء عشان انا بحبك  وسكت

..انا كمان سكت ومعرفتش ارد عليه

 اول مرة اسمع الكلمه دى   واحس بكدة ..اها كنت بسمع واتفرج على كتير من قصص الحب والغرام بس اول مرة اعيش دة بنفسى واحس يعنى ايه قلبى يدق ..وبعنى ايه فرحه ان اللى بتحبه بيصارحك بحبه ليك وكمان مش كدة وبس لاااء دة كمان عاوز يكمل دة بالجواز...مصطفى بصلى وقالى ايه مش هتجاوبى عليا موافقه ولا لاااء

..بخجل رديت عليه .اكيد انت عارف ردى من غير ماتكلم

مصطفى قالى عارف ومتأكد يا دعاء بس عاوز اسمعها منك

 قلته اكيد موافقه 

مصطفى قالى   متعرفيش انا مبسوط اد ايه وان وجودك فى حياتى الفترة اللى فاتت دى ووقوفك جنبى اناونهى من وقت وفاه مريم كأن ربنا بعتك ليا وتسندينى وتقوينى  فاهمه انا بقيت كويس كدة ليه عشان انتى كنتى فى حياتى الفترة دى

   يبقا نكتب الكتاب عشان تلحقى تخلصى الباسبور وقدامى شهر ونص فى مصر واجازتى تخلص نلحق نخلص فرش الشقه هنا  وشقتى برة مش محتاجه عفش لسه مجددها ولو مش عاجبك حاجه هناك ابقى غيريها

مصطفى عمال يتكلم ويحكى هنعمل ايه ونحضر لابه وفرحان ومبسوط وانا نزل عليا الخبر صدمنى ..دة بيخطط اننا نعيش برة مصر .ولاقيتنى  برد عليه واسيب ماما هنا واسافر بعيد عنها انا كمان 

يتبع