#طريقه عمل الكريب الحادق والحلو
كلنا بنحب الكريب سواء حلو او حادق النهاردة جبنلكم وصفه سهله ولذيذة وتكفى اسرة مكونه من ٥ افرادتعالوا بقا نشوف المقادير
ملاحظه: نفس المقادير تتعاير بنفس الكوب للبن والدقيق والمايه
٤ كوبيات دقيق منخول
٢ كوب لبن
٢ كوب ماء
ملعقه صغيرة ملح
٢ معلقتين سكر او اقل
٤ معالق زيت
الطريقه🍽
اول حاجه بنجيب الخلاط او الكبه لو مش متوفر خلاط والكبه نجيب مضرب البيض السلك بس لازم نصفيه لو هنضربه بالمضرب اليدوى
بعد كدة بنحط الملح والسكر ع الدقيق ونقلبهم كويس وفى الخلاط بنحط المقادير السايله الاول
اللبن والمايه والبيض و٤ معالق زيت ولكل كوبايه دقيق بنحط معلقه زيت وبعد كدة بنحط نص مقدار الدقيق ونخلطهم كوبس وبعد كدة بنضيف باقى الدقيق بالتدريج لغايه مايخلص مقدار كله ونضربهم لمدة ٤ دقايق وبعد كدة نسيبهم فى الثلاجه لمدة نص ساعه
لو حابين نعمل الكريب حادق هنقسم مقدار على حسب الرغبه ونضيف على كريب الحادق شويه فلفل اسود او ابيض حسب الرغبه
وعلى الحلو هنحط فانيليا عشان تديها ريحه وطعم
بعد كدة على البوتجاز بنجيب نقلتيه الكريب ولو معندكيش طاسه تيفال وعلى نار هاديه بندهن طاسه بشويه زيت اول مرة يادوب وبعد كدة بنحط مقدار كبشه ونفرض الكريب فى الطاسه لغايه مالونه يحمر ونقلبه على الوش التانى وناخد بالنا ان لازم الطاسه تكون درجه حرارتها ثابته عشان الكريب يطلع مستوى لان فى نهايه كل واحدة بتفقد الطاسه سخونيتها فلو موجود طاسه تانيه نبدل فيها واحدة وواحدة لغايه ما نخلص الكميه كلها
وبعد كدة بنحشيها حسب رغبتك
الحشو الحادق
فراخ متقطعه صغير
ملح وفلفل اسود
بصل متقطع
فلفل الوان متقطع
معلقه لبن
زيت او زبدة حسب الرغبه
الطريقه
على النار بنجيب طاسه تيفال وبنحط الويت وعليهم البصل ونقلبهم شويه وبعد كدة بنحط الفلفل الالوان عليهم ونقلب كويس وبعد كدة بننزل لالفراخ ونشوحهم مع بعض وشويه ونضيف شويه اللبن عشان تفضل الفراخ محتقظه بطرواتها ونتاكد انها استوت نضيف الملح والفل ونستنى لغايه مانبرد وبعد كدة نحشى بيه المريب ونضيف عليهم جبنه مودزريلا ونلف الكريب روول او مثلث حسب الرغبه وعلى الطاسه اللى كنا عاملين فيهاالكريب ندبها تحمير على الوشين وبالهنا والشفا😋
حشو الكريب الحلو
مقادير
موز متقطع شرايح
وفرواله
وعسل
شيكولاته نوتيلا
بنحشى الكريب ونرص فيها الفاكهه وبعد كدة بنضيف الشيكولاته النوتيلا او العسل النحل حسب الرغبه 🥞وبنلف الكريب بعد الحشو رول او مثلث
وممكن نحشى حشوات كتير للكريب حسب ما تحبوا
ويارب تكون وصفتنا النهاردة سهله وبسيطه ومش مكلفه لان كل مقاديرها موحودة فى كل بيت
تعليقات
إرسال تعليق
اترك تعليق لتشجعنا على الاستمرار
وشكرا