#منال والدجاله دلال#الجزء8

منال٨

ام عبدوة اتخضت  وقالت هو فى ايه اللى حصل  احنا مش فى للشتا لخبط البلكونات  والشبابيك بالمنظر دة ولا حتى فى نسمه هوا للرزع دة كله

ام منال بصت للدكتور وعبد الحكيم ولسه هتتكلم وتحكى وتريح دماغها لاقيت تلفيونها بيرن بتبص لاقيت ام رامى اللى شغاله عند منال الدجاله ردت عليها بسرعه

ايوة يا ام رامى كويس انك اتصلتى

ام رامى ردت بخوف وقلق عليها .هااا ليه خير حصل حاجه ولا ايه؟؟؟

ام منال..بقولك ايه انا دلوقت عند منال وبقابها كم يوم ع الحال دة تنام وتصحى فى كوابيس ماسكها وتصرخ وتقول حد بيوقعها من ع السرير غير النور اللى كل شويه يقطع ويجى وخبط البلكونات وفتحها وقغلها وكاننا فى يناير مش فى اغسطس الجو حر نار يعنى ومفيش اى هوا يخليهم يتفتحوا ويتقفلوا بالمنظر دة

ام رامى. سكتت شويه. يبقا اكيد فتحى اللى بيعمل كدة

ام منال. فتحى؟؟؟فتجى مين؟؟

ام رامى ..فتحى الجن اللى  مخاوياه الست منال

ام منال .انتى اتجننتى يا ام رامى جن ايه وعفاريت ايه بقولك ايه انا لازم اجى واتخانق مع الست دى هى اكيد عملت حاجه لبنتى لان من وقت مارجعت من عندها وهى على الحاله دى وحالها اتشقلب وحياتها باظت وكانت مرتاحه ومبسوطه 

ام رامى..ردت عليها اوعى تيجى  ولا تردى عليها لو اتصلت بيكى حتى من عندهامفهوم

ام منال.ليه فى ايه فهمينى 

ام رامى ..افهمك بعدين لازم اقابلك وافهمك لكن انا بقولك اهو اوعى تيجى انتى وبنتك هناك تانى انا قلت انتى عشرة عمرىولازم انبهك منال زى بنتى واخاف عليها زى بناتى لولاش الحوجه بس كنت زمانى سبتها من زمان

وام منال بتدير  لاقيت عبد الحكيم واقف ومبلم وراها وسمع كل المكالمه مع ام رامى ولما شافته حماته بلمت وسكتت..وبصتله باستغراب وردت على ام رامى. خلاص انا بكرة الصبح اجيلك على البيت وقفلت  سلام

..قالت لعبدوة انت واقف هنا من امته؟؟؟

قالها عبدوة من اول ماقلتى حياتها اتشقلبت وباظت..هو انتوا عملتوا ايه ياحماتى من ورايا

 ام منال . سكتت شويه ..قالتله تعالى ورايا احكيلك اللى حصل بالظبط وهات الدكتور معاك..بس بلاش امك تسمع ولا تعرف باللى حصل مفهوم

عبدو قالها مش فاهم فهمينى طيب وليه ماما متعرفش حصل ايه؟؟

ام منال ..هحكيلك تعالى بس!!

وراحو الاوضه التاتيه وخلوا ام عبدوة تقعد وتخلى بالها من منال  عقبال ماتحكى ليهم على اللى حصل ..وبعد ماحكت عبدوة .اتعصب وبصوت عالى  قالها ازاى ياماما تخلى منال تعمل كدة وازاى انتى يا ست يا اللى بتربى اجيال تصدقى فى الحاجات دى ما حنا كشفنا ومافيش اى حد فينا عندوة مشكله دى كلها امور بتاعه ربنا ملناش دخل فيها وانا مش مضايق من كدة عندى منال بالدنيا ومافيها

 مسعد  لاقاه متنرفز جدا حاول يهديه وقاله اهدى مش دة الحل  هما غلطوا بس  المفروض نقعد كدة ونهدى ونفكر ونشوف هنتصرف ازاى وازاى نوقف الست اللى راحولها دى  عند حدها وتوقف الاذى والتسليط اللى عملاه على منال والله اعلم مين تانى  اذياهم ومشقلبه حياتهم بردوة كدة

بص عبدوة لحماته وقالها ليه كدة بس يا ماما 

ام منال والله يبنى منال من كتر ماأمك ليل نهار مسممه بدنها ومنكدة عليها ... فى يوم لاقيتها بتكلمنى ومعيطه وطلبت منى ان نروح لدلال وفعلا  اخدتها ورحنا  بس  هى  طلعت ع طول من عندها ولا كملت وقالت انها دجاله ولا سمعت حاجه من اللى قالته

مسعد..رد على ام منال وقالها اكيد ضايقت الدجاله الجاهله دى بتصرفتها عشان كدة  اذتها مش  بدل ما بتساعدها ...وباللغه بتاعتهم   بتربيها عشان ترجعلها وتوريها ان الجهله دى هى اللى كانت سبب فى شفاؤها .انا عدى عليا حالات كتير من النوعيه دى بس للاسف ولا عرفنا نمسك حاجه عليهم احنا لازم نبلغ ادهم زميلى  وهو هيتصرف ويقولنا لاننا قبل كدة كنا اشتغلنا على حاله عندى شبيهه للموضوع دة ... بس للاسف الدجال واللى كانوا معاه هربوا ومعرفوش يقبضوا عليه. بس المرة دى مش هنقرر نفس الغلطه اللى فاتت

عبدوة بخوف طب ومنال الحل معاها ايه دلوقت؟؟

مسعد قاله  ولا تقلق منال زى الفل كل اللى بتقدر تعمل تهويش وبس وانتوا لازم تخليكم معاها باستمرار وانا اروح لادهم واحكيله كل اللى بيحصل دة...واجيبه بكرة لو فاضى نشوف حل للموضوع دة

عدى  اسبوع ومنال لسه على حالتها مابتقومش من على السرير نايمه باستمرار وكوابيس ملازماها على طول 

ام عبدوة صعبت عليها منال لما عرفت اللى حصل من عبدوة وقالت لعبدوة فى شيخ بيرقى بالقران كنت بجيبه ع طول يقرء عندنا فى  سنويه ابوك من البلد انا لازم اكلمه واكلم عمتك تجيبه وتيجى 

عبدوة قالها ياماما مش هينفع حد يعرف  وكمان عمتى هتقوليلها

امه ردت بسرعه عليه وقالت له عمتك  مش حد غريب والشيخ دة كله شغله بالقراءن واللى زى الدجاله دى عاوز حد قوى اقوة م الجن ومافيش اقوة من حد حافظ كتاب ربنا يقدر عليها وعلى اللى مسلطاهم على مراتك..انا حاسه بالذنب لولا كلامى معاها وانا كنت بضايقها بكلامى مكنتش فكرت تروح للست دى ..سيبنى ياعبدوة   اصلح اللى كنت السبب فيه ربنا يسامحنى ويغفرلى يبنى كل اللى كتت بعمله فيها