بوصيك

بوصيك لو ناوى تحبنى إنى بخاف

بخاف من البعد والفراق

بخاف من كل كلمه حب  مش طالعه من القلب بصدق وتقولها بس عشان تطمن قلبى  والسلام

بخاف أنه فى يوم تقسى عليا وتكون أنت الأيد اللى توجع بدل ما تمدها وتطبطب  وتحن آوام

 بخاف إنك يوم تهد فيا كل حلم حلمت إنى أحققه وبدل ما تفرح وتساعدنى تبات ليل نهار تبكت فيا  وتهد جوايا  كمان وكمان

بخاف إنك فى يوم توعد بحب كبير كنت نفسى أعيشه وبحلم بيه من وقت ماعرفت يعنى إيه  قلب  يدق بمشاعر وحنين لحبيب بستنى أشوفه ويدق قلبى بحب ليه  وأول ما اتشعلق فى قلبه وأقول هو دة اللى الحب اللى  بستناه يطلع دة كله وعود  كدابه وعذاب

بخاف من أنه يجمعنا بيت وسقف فوقينا 

 وتكون مجرد حيطه مجمعانا وتعيش لنفسك وتهمل فيا  وكل ما أحاول أقرب ليك ماتشوفش حبى  ولا تحسه مانت كل اللى همك تحقق ذاتك وكل اللى همك تحطم فيا والسلام

بخاف  وبخاف  وبخاف

ولسه الخوف مالى كيانى ومش حاسه منك إنى فى أمان 

عرفت خايفه من إيه؟؟

وليه كل الخوف دة ملازمنى لأنى عمرك ما بتطمنى أنك هتكونلى حبيب وبيت وأمان 

وإن احتجت لك يوم عمرك ما هتخذلنى 

 وتكونلى نعم السند والأمان

وإيدك دى عليا تطبطب وتاخدنى فى حضنك وتطمنى إن فى يوم ماهبعد عنك وأكون لك أبوكى وأبنك وأخوكى وأكون الأيد اللى تحواطك بكل حب وود وأمان 

#بوصيك

Hayam Hassan