قصه همسه واخواتها الخمسه الجزء الخامس
هارووون ..ياه ح توحشنى البلكونه اوووى يا هناء وفطارنا فيها ولا قهوة المغرب لماارجع م الشغل
هناء ..هاروون محسسنى ليه ان احنا مهاجرين دول كلهم كم يوم وراجعين
هارووون والله حتى لو يوم
همسه ...وادى الشاى لاحلى بابا وماما
و بتتحط الشاى ع تربيزة فى البلكونه
هدير ..دخلت عليهم ..وايه دة مافيش ليا كوبايه دنا نيمتلك بنتك حتى وبراعيها احسن من ١٠٠ بيبى سيتر
هاروون روحى صبى لنفسك كوبايه ولهاله كمان ونادلها عاوزها هى كمان وبصى على اخواتك كدة ناموا ولا ابه
هدير ..همسه روحى بصى عليهم كدة عشان دول بيشوفونى بيتجننوا وبالمرة وانتى جايه نادى لهاله وصبي لينا كوبيتين شاى بالمرة فى سكتك بحب الشاى بتاعك اووى
هناء بزعيق ..قومى يابت اسمعى الكلام وشوفى ابوكى قالك ايه اعمليه . اخلصى
هدير ..هو ايه دة وتمشى تتكلم فى سرها
هناء ..بطلى برطمه سماعكى
همسه .خير يا ماما فى ايه قلقتونى كدة
هارون ..مافيش حاجه بس احنا مسافرين كمان يومين ودى فرصه تتجمعوا كلكم وافهمكم تمشوا البيت ازاى فى غيبانا
هناء ...اتا عارفه انى هاتقل عليكى يا همسه وخصوصا حبيبه بتدوخك ومفروض انا اللى اساعدك وخصوصا دة اول رمضان وهى معاكى
همسه ..ايه يا ماما الكلام دة ما تقلقيش خالص بقا
هاله ..ايوة يا بابا حضرتك عاوزنى
هاروون اه يا حبيبتى اقعدى
هدير ..وادى الشاى .والتؤمين اللذاذ ناموا وهنستريح من دوشتهم
هناء وهدى نامت كانت بتقول مش عاوزة تنام
هدير والله يا ماما نايمه خالص وبهدومها كمان
هناء ..مش فاهمه البت دى بتجيب النوم دة منين فظيعه عامله زى هاله واتاكدتى هبه نامت
هدير...اه وغطتهم وقفلت الباب وصبيت الشاى اهو وجبته حاجه تانى
همسه .ماتبلعى لسانك يا بت شوى
هارووون ..اهدوا كدة واسمعونى . كشفنا على اخواتكم وهما الحمد لله زى الفل مافيهمش اى حاجه بس الدكتورة قلقتنا ع هبه
هدير مالها ست قردة ماهى عماله تتنطط من هنا لهنا
هارووون .ماهو دة بقا السبب هى بتعمل كدة عشان تلفت نظركم تهتموا بيها
هاله ..هو ايه يا بابا هما لسه صغيرين
هناء اه طبعا والموضوع بجد بدل ماندخل فى علاج نفسى
همسه ..انا فهمت طيب والمطلوب ايه بقا
هناء . انا اكتر اوقات بطلب من هدى عشان هى اعقل من هبه وبتستوعب بسرعه مش زى هدير وهبه تاعبنى واللى لاحظته فى الفترة الاخيرة بردوة هدى بدأت تغير من اختها وتقول اشمعنا هبه ومكنتش بتعمل كدة
همسه ..ايووة يا ماما انا بردوة ملاحظه كدة من فترة .يكونش غيرانين من حبيبه الاتنين
هارووون . حبيبه .ويسكت شويه .ماتهئيليش كدة
همسه ..والله يا بابا ممكن دة لانهم بقالهم فترة بندلعهم وكل الدلع ليهم ومن وقت ما حبيبه اتولدت والاهتمام ليها
هناء . تصدقى انتى لفتى نظرنا لدة مكناش اخدنا رقم الدكتورة كنا سالنها على كدة
همسه ..طيب ماتقلقوش انا اعرف احل الموضوع دة ازاى
هناء ..طيب وهدير بردوة وهاله لازم يهتموا بيهم شويه وخصوصا انتى يا هدير
هدير ..هو ايه يا ماما انت حودتى عليا ليه منا قمت صبيت الشاى اهو وغطتهم
هناء والله بعد ايه لما اختك شخطت فيكى ووجعتى قلبنا
المهم يالمضه متك ليها انتى وهاله ...هبه وهدى مسؤليتكم واحنا مسافرين اختكم عندها جوزها وبنتها مش هتكون معاكم ع طول مفهوم
هدير ..بابا احنا داخلين ع امتحانات
هاروون..االامتحاناتك مش كل يوم ومش عاوز خنقه من اولها
هاله ..حاضر يا بابا انا ها اخد بالى منهم وان شاء الله انا اتابع معاهم مرواحهم للامتحانات ومجيهم وهدير ح تتابع مذاكرة
هدير ..هو ايه دة اتابع مذاكرة ازاى وانا عندى امتحانات انا كمان انتى مفروض تتابعينا كلنا
همسه ...هش انتى وهى احنا ح نعمل جدول متابعه ومين فيكم اللى ح يعمل الفطار معايا كل يوم ومين ح يرتب الشقه
هدير نعم فطار ايه وترتيب شقه ماليش انا فى الكلام دة
هاله ..فطار ايه ياهمسه احنا ح نكون صايمين مش اقدر اعمل حاجه..منتى عارفه مش بقدر اشتغل وانا صايمه
همسه ..لا ماهو فى نظام هاعمله معاكم وان شاء الله هيعجبكم ..ولا معجبكوش اضربوا دماغكم فى الحيطه انا مش ماما ادلعكم
هاروون .هااا خلصتوا كلامكم ..اختكم عندها حق وانا معاها ويمكن ربنا عمل سفرنا دة فرصه عشان تعتمدوا على نفسكم شوى وتبطلوا دلع اللى امكم ربيتكم عليه
و اختكم ممكن بقا تقعد فى بيتها وانتوا ابقوا اعملوا فطاركم والترويق والغسيل بنفسكم ماهى مش معقول هتسيب بيتها وتيجى تعمل لاربعةبنات كبار اكلهم وشربهم وكمان تغسلهم هدومهم
صوت اذان العصر بياذن
هناء ...الله انت ح تدور عليا ياهارون هو دة وقته
هاروون دة هو دة وقته .عاجبك كدة
هناء لاء مش وقته ..المهم هبه وهدى
هاروون ..بصوا انا رايح اتوضا وانزل اصلى العصر وانتوا خلصوا الغدا مع اختكم عقبال ماطلع وانتى ياهمسه كلمى جوزك شوفيه عشان قربت بطنى تصوصوا من الجوع من ريحه الاكل دة
همسه .حاضر يا بابا
همسه ..ماما ..مش فى يومين هتعلميهم انتى بس سبيهملى ومالكيش دعوة كل اللى عليكى تكترى الدعاء بس ربنا يدينى الصحه ومتجيش تلاقينى واكله هاله وهدير
هناء بتضحك ......ياريت تريحنى منهم هما الاتنين مرة واحدة
هدير يا سلام طب هاله ماشى لكن انا بساعدك ولسه عامله شاى اهو
هناء . عملتى شاى .دى اختك اللى عملاه وانتى صبتيه .... انا متاكدة كمان شويه الاقيكى منزله انك عملتى شاى ع الفيس وكانك عملتى حله محشى
هاله ..ماما ..بلاش تجيبى سيرة المحشى بضعف اووى وانا جعانه اووى
همسه ..نفسى مرة ماتتكلميش على الاكل وكأنك بتتغزلى فى حد بتحبيه
هاله ..هو فى احلى من الاكل يلا كلمى جوزك واستعجليه انا جعانه اوووى ..وعملتى الملوخيه ولا لسه
همسه..لا معملتهاش لسه ..لما يجى مدحت اما اقوم اتصل عليه اشوفه فين
هناء ..روحى دة هتاكلنا بسرعه وانا اروح اصلى العصر وانتى يا هدير قومى اتوضى وصلى
هدير ..لما تتوضى ياماما الاول اتوضا ازاى وانتى جوا
هناء .هو انا جو دلوقت قومى اتوضى قبلى يلا اخلصى
صوت جرس الباب بيرن
هدير .بتروح تفتح الباب وتشوف مين .دة مدحت جه اهو
مدحت السلام عليكم
همسه..وعليكم السلام .كنت لسه اتصل عليك ايه اخرك كدة
هناء..وعليكم السلام يا مدحت ادخل يبنى نورت ليك وحشه والله
مدحت..وانتى والله يا طنط منا قلت اجى اتغدى معاكم بقا واشوفكم لو محتاجين حاجه ناقصاكم اجيبها قبل ماتسافروا
هناء ..ماتحرمش منك تعالى اقعد واقف ليه كدة . هاروون بيصلى العصر وجاى
مدحت ..منا كنت بصلى العصر معاه فى المسجد بس عمو محمود جاركم وقفوا بيسلم عليه قالى اطلع انت وانا احصلك
همسه ..طيب تمام .ادخل انا بقا اعملك طشه الملوخيه
مدحت ..انا واقع من الجوع بجد يلا بسرعه
هاله..ايوة ايوووة وانا اقول مش عاوزة تعملها ليه
همسه .. رخمه مالكيش دعوة . يلا
انا ارووح اصلى العصر عشان نلحق نحضر الغدا وانتى يا ست هاله صلى وحصلينى ع المطبخ
هاله ..اوعى تعملى الطشه قبل ماجى بقولك تعالى نصلى مع بعض عشان اضمنك
همسه ..بتضحك ..ماشى ياستى يلا بينا
هارون بيدخل البيت. ياهل الدار فين الغدا
معلشى يامدحت عمك محمود كان واحشنى
مدحت لا ياعموا ولا بهمك
هاروون يلا يا هناء انا جوعت الله شامم ريحه الملوخيه
مدحت اه ياعمى وانا كمان جوعت على ريحتها
هناء يلا ياابو هشام . الاكل هيبرد قوم يا مدحت يلا
هارون يلا ياهاله الملوخيه هتبرد
هاله ..انا اهو الله ياهمسه ريحتها تجنن
هدير محدش ندالى ليه مش عاوزنى اكل ولا ايه
همسه ..اخلصى اقعدى قبل مالاكل يبرد
مدحت اومال فين هبه وهدى
هناء ..نايمين لما يصحواياكلوا براحتهم سهرانين طول الليل بيذاكروا
مدحت ...ربنا معاهم وينجحهم يلا بسم الله
وبينتهى الجزء الخامس
تعليقات
إرسال تعليق
اترك تعليق لتشجعنا على الاستمرار
وشكرا