همسه واخواتها الخمسه الجزء العاشر

صوت القراءان خلفيه بسيط اذاعه القراءن الكريم

 

هناء.. همسه يا همسه  تعالى صحيح

همسه ..ايوة يا ماما ثوانى وصوت خطواتها وهى بتمشى .. ايوة يا ماما ..

هناء..انتى قلتى لهاله ع مجدى 

همسه ..ياخبر . نسيت خالص والله معلشى اروح حالا  اقولها   عشان بالمرة  تشوف  هتلبس ايه

هناء ..هو جوزك وابوكى لسه مجوش من المسجد 

همسه ..قالوا فى درس بعد صلاه العصر الشيخ  هيديه  عشان يسلواصيامهم فى حاجه مفيدة 

هناء..يابخت الرجاله  لا شايلين هم اكل ولا شرب .

همسه ..مانتى  تخلى فى نيتك بقا ياماما انتى بتفطرى كم حد فينا وحسنات كتير اهى وبتاخدى اجر افطار صائم  كمان  اكتر منهم 

هناء.ربنا يتقبل يارب ويكتبنا من عتقائه من النار ..شوف البت ساكته ازاى ..قولى امين

 ياهمسه .سرحانه فى ايه

همسه  هااا  ..امين  . بفكر افاتح هاله ازاى انتى عارفه مش بتطيقه اصلا هو وطنط  فتحيه

هناء ..بصى قوليلها كدة خبط  لزق متخليهاش تفكر  وتضحك

همسه .. ههههه حاضر احاول

 

فى السعوديه

مشهد ثريا وهشام

هشام ..يا ثريا  هو فين البلح  حطاه  عاوز اعمل الياميش 

 

ثريا..عندك يا هشام على النربيزة ادامك

هشام ..مفيش حاجه يابنتى هو انا اعمى مابشوفش 

صوتها وهى بتمشى ..

ثريا..الله باستغراب..راح فين ..انا حاطاه  هنا 

هشام..متأكدة لتكونى دخلتيه المطبخ مع باقى الحاجه

ثريا .والله ابدا انا سيبته هنا عشان  افتكر اعمل الياميش مانت عارف كل سنه اول يوم بنسى  اعمله.طيب شوف كدة واقع تحت التربيزة يمكن العيال وقعوة

هشام . لاء مافيش حاجه ..وبعدين سكت ثانيه ..همافين صحيح

ثريا ..جوا فى اوضتهم  قالوا ح يناموا شويه

هشام بيفتح اوضه عليهم ..  ..يا خبر ابيض عليكم ..تعالى تعالى بصى البلح بقا صورة فنيه

ثريا ..بتشهق .يا نهار ابيض  ايه اللى عملو بالبلح دة 

هشام ..

الظاهر مكتوب علينا اول يوم رمضان مناكلش ياميش   ويقولها بزعل .. بس عيالك فنانين . دوول صمموا  فانوس على كارتونه  بالبلح .لازقوة ازاى دة . و ناموا زى الملايكه .. جاتلهم منين الفكرة دى

ثريا اكيد من الحضانه  هيكون منين يعنى ..وبعدين اللزق انا جبتوة   طلبوة واللهى  منهم 

 

هشام....يارب نفسى اول يوم  اكل ياميش زى البنى ادمين هو مكتوب عليا كدة كل سنه وبيسكت حبه ثريا ..فى فطار ولا انزل المسجد افطر هناك

ثريا .. بتضحك  لاء عيب عليك فى فطار .. قربت اخلصه كمان 

هشام .الحمد لله   مش مهم ياميش  هو فعلا مكتوب لينا   كدة  بس فكرينى انزل بالليل اجيب غيره واخبيه 

ثريا ..حاضر يا حبيبى 

همسه بتفتح الباب على هاله  وهدير .. 

هدير روحى  ساعدى ماما ونادى على اخواتك من البلكونه  يطلعوا  التربيزات    ويحطوهم جنب تربيزة السفرة ورسواالكراسى يلا 

هدير ..هو انا ليه حاسه انك بتوزعينى 

همسه ..اها بوزعك وبطلى  رغى  واقفلى الباب وراكى 

هدير ..هاعرف بردوة  ياخبر دلوقتى بفلوس 

وصوت قفل الباب

هاله .فى ايه يا همسه  مالك بتبصيلى كدة   انا مطلعتش اساعدكم لانك عارفه انا اول يوم فى الصيام بكون تعبانه

همسه..لاء ..مش كدة خالص دماغك راح لبعيد 

...امممم.بصى   من غير لف ودوران .مجدى ابن عمت مدحت جاى هو وامه يخطبوكى بعد الفطار

هاله. نعم مين ..الرخم وامه ..منتى عارفه يا همسه لابطيقه ولا بحب امه 

همسه .عارفه..وعارفه كمان هو بيحبك اوى بقاله كم سنه وسافر ورجع ومش شايف غيرك. بيحبك يا هاله افهمى بقا

هاله. وانا مالى  مايحبنى ولا يكرهنى اتجوزة ليه وانا مش بحبه

همسه. بصى يا هاله ..هما كدة كدة  جايين بعد الفطار  معلشى  شوفى هتلبسى ايه لاننا اتفجاءنا بمجيهم  زيك وبابا معرفش يعتذر ليهم  قابايهم وادى نفسك فرصه وصلى استخارة وبعدين نديهم الرد  اوعى نردى هااا...انا اطلع وانتى ماتفكريش اصلا.تمام

وبتطلع وتقفل الباب وراها

وتتتنهد الحمد لله مديتلهاش فرصه ترفض   ربنا يستر 

بقا فى المقابله

صوتها وهى بتدخل ع امها المطبخ  

ماما ماما..

هناء . ها طمنينى عملنى ايه بصوت واطى 

همسه .انجزت المهمه  من غير اى رد   وسيبتها وطلعت   حطتها ادام الامر الواقع  

هناء .شاطرة .بصى هو مجدى طيب وشارى اختك بصراحه ما يترفضش  بس امه دى يتفات لها بلاد  متنفعش مع اختك دى عاوزة واحدة زى هدير تشلها  وتضحك

همسه بتضحك كمان

هدير ..بتجيبوا سيرتى فى ايه سامعه اسمى 

صوت القراءن المغرب بصوت الشيخ محمد رفعت 

هناء . اها وضبتوا التربيزات ولا لسه

هدير ..اها يا ماما وهبه وهدى حطوا التربيزات   وبيلعبوا مع حبيبه روحى اطمنى ع بنتك يا همسه معاهم

همسه..سوسه يا هدير . سبيها معاهم 

 ..وصوت فتح الباب

 ودخول هارون السلام عليكم 

 ومدحت بيقولوا  السلام عليكم

همسه .وهدير وهناء بيردوا السلام 

هارووون .الله على الروايح الجميله ابدعتتى يا ام هشام

هناء .  بطل بقا  يا هاروون بتكسفنى بكلامك دة  .ا.الا صحيح .ابو مدحت وامه مجوش ليه لدلوقت مش قالوا هيجوا بدرى 

مدحت ..اها يا طنط معلشى  متعرفيش اللى حصل .  محبس المايه اتكسر   والشقه غرقت  كلها  بس الحمد لله السباك صلحها وبابا   وماما غصب غنهم   والله مكنش ينفع يجوا الا لما الشقه تتمسح 

هناء . ياخبر  من ايه دة 

مدحت ولا نعرف ماما الظاهر خبطت المحبس  من غير ماتقصد  فاتكسر  هو قديم اصلا وكم مرة اقول لبابا يجيب سباك يعمله وبيكسل

همسه . زمان ممتك تعبت فى مسح المايه هى وعمو

مدحت . لاء ما جيهان نزلت لمتها وظبطت الشقه مع ماما 

همسه..جيهان  جارتكم  اللى كانت بتحبك ايام الجامعه.. بعيظ  هى ايه اللى جابها  تانى  هى مش اتجوزت وسافرت

هارووون بيقاطعهم ..همسه . مش وقته الغيرة دى  ..

همسه ..انا ابدا يا  بابا  مش غيرانه ولا حاجه بسأل بس 

مدحت بيلاء لاء فى الكلام. بعدين ابقا احكيلك مش وقته

همسه . بصوت واطى . بتخبى عليا .ماشى  يا مدحت 

 جرس الباب بيرن

هناء .اكيد هما دووول  انا افتحلهم

وبتفتح الباب ام مدحت  السلام عليكم يا  هناء 

هناء .وعليكم السلام وببسلموا ا على بعض  وتبوسها

نورتونا ..ايه اللى انتى جايباه دة  بس 

ام مدحت مديحه  .مايجيش من بعد خيركم  رمضان مبارك عليكم .وكل سنه وانتوا بخير

مدحت .بيسلم عل امه وبيبوسها اهلا يا ماما نورتى تعالى اقعدى اومال فين بابا

 ام مدحت .. بيركن العربيه وطالع مكنش لاقى ركنه الشارع زحمه

مدحت طب ماتصلش ليه  كنت نزلت ركنتهاله

صوت خطوات

 هارون  وهو طالع.  السلام عليكم ..ازيك يا ام مدحت كل سنه وانتى طيبه 

ام مدحت وعليكم السلام . وانت طيب يا ابو هشام

همسه ..ازيك يا ماما وبتسلم عليها 

ام مدحت ..همسه يا حبييتى كل سنه وانتى طيبه

 

همسه ..وانتى طيبه وبخير

اومال فين عموا

جرس الباب  ..بيضرب  تانى ..

هاروون اكيد هو دة .ادخل يا ابو مدحت بيتك ومطرحك مش محتاج عزومه

ابو مدحت ..السلام عليكم  دايما عامر بيك وباهله  يا هارووون ليك وحشه يا راجل اعذرونا والله ع التاخير دة...كنا مرتبين نيجى بدرى نقعد معاكم بس اهو اللى حصل بقا 

هارووون . وعليكم السلام. المهم انكم جيتوا بالسلامه. اتفضل اتفضل ..هنعوضه فى السحور ان شاء الله

همسه .ازيك ياعمو نورتنا كل سنه وانت طيب

ابو مدحت..وانتى طيبه يا همسه منور بيكوا يا حبيبتى  

هناء . منور يا بابومدحت 

ابو مدحت دة بنورك والله يا ام هشام سمحونا ع التاخير غصب غنا

هناء . المهم انكم جيتو ا خطوة عزيزة اتفضل اتفضل 

 هناء . يلا همسه المغرب هياذن رسوا الاكل على التربيزات  انتى واخواتك

ام مدحت .استنى ما اساعدك

هناء.اقعدى يا مديحه تساعديها ايه بس  هى واخواتها  يوضبوا الحاجه

  نورتونا

وصوت اذان المغرب

نركز الكل بهمس وبصوت واطى يقول 

اللهم لك صمت وعلى  رزقك افطرت وبك اممت ذهب الظمأ وابتلت العروق وثبت الاجر ان شاء الله

هاروون يلا يا ولاد اقعدوا  وصوت الاطباق  وصوتهم وهما بيقولوا دعاء الافطار 

 وبيخلص الجزء العاشر