همسه الجزء السادس عشر
يوسف ..قفلتى ليه معاهم كنت عاوزة اكلمها واطمن عليها
مديحه ..بقولك ايه انا عندى السكر وتعبانه وام اسماعيل دى عصبتنى بما فيه الكفايه
بتكلمنى تقولى شوفى سميه وتخضنى .فكرت البت جرالها حاجه
يوسف..حصل ايه ماتحكى وخلصينى
مديحه ..مصممه تاكل ممبار ولحمه راس وانت عارف سميه بتقرف منهم
يوسف ..هاا وبعدين
مديحه ..حماتها نزلت اشترت وحطتهم فى الحوض وقالتها اغسليهم واعمليهم ع الفطار سميه شافتهم من هنا وهاتك يا ترجيع وخلت حماتها بتصلى نادت ع البوابه تاخدهم من الحوض وغسلت الحوض ونظفت المطبخ مكان الحاجه
يوسف..يانهار اليض شحتت الممبار واللحمه الراس
مديحه .الله البت بتقرف منهم وهى عارفه كدة وبعدين حد يفطر ممبار ولحمه راس
بس يا سيدى بتقولى اتعب نفسى واشترى وهى تشحتهم.ونفطر ايه دلوقت وهاتك يا شكوى
يوسف..مش قلتلك هى عاوزة تعمل اى حجه عشان تطلق البت منه او تجيبلها ضرة
مديحه .انا بعد الفطار انزل اروح لهم وانت تعالى معايا
يوسف . بلاش انا خلينى بعيد بدل مااجى واجيب سميه فى ايدى وانا راجع
فى السعوديه
هشام ..حمدلله على سلامتكم يا ماما انتى وبابا والله وحشنى اوى
هارون .وانت كمان يا حبيبى والعيال كبروا ماشاء الله زى القمر الواد محمد دة شبهك اوى
هناء اها ولانا شبه همسه بيفكرونى بيكم وانتوا صغيرين
ثريا .يعنى مفيش حد شبهى يا ماما
هناء.هو انتى فى حد فى جمالك ياثريا حبيبه قلبى انتى
هاروون .اتبسطى يا ستى يابخت اللى حماتها ترضا عنها
هناء حماتها ايه ا .انا امها دى بنتى دنا اول ماامك الله يرحمها ولدتك مكنتش لسه خلفت هاله .ماتعرفيش يا ثريا قلبى كدة فرح فرحه وبقيت متعلقه بيكى وعلى طول واخداكى من امك
هاروون .طول عمرك حنينه يا هناء هو انا حبيتك من شويه
ثريا ..حبيبتى يا ماما وانا كمان ربنا اللى يعلم بحبك اد ايه... المهم بقا قوموا ارتاحوا حبه عقبال الفطار
هاروون اها والله منمناش من امبارح وعيالكم اخدو هداياهم ومسمعناش صوتهم بعد كدة
هشام ..ثريا دخلتهم يناموا ...حبه بتعودهم على الصيام
هناء يا حبايبى ربنا يحفظهم لسه صغيرين .يلا ياهشام انام حبه انا كمان مع انك وحشنى وملحقتش اشبع منك
هشام .لا منا جاى انا معاكم ماتقلقيش يلا معلشى يا ثريا .اريح حبه واقوم اساعدك
ثريا لا يا حبيبى انا موضبه كل حاجه ارتاحوا انتوا بس وماتشيلش هم حاجه
جرس الباب بيرن
ام مدحت .. بتنادى من المطبخ
يا يوسف .شوف مين ايدى مش فاضيه
ابومدحت..حاضر يا مديحه ومن امته وانتى بتروحى تفتحى الباب
صوت فتح الباب
ابو مدحت ..اهلا يا جيهان يا حبيبتى اتفضلى ادخلى
جيهان ..اهلا ياعموا ليكم وحشه والله اومال طنط مديحه فين
ابو مدحت ..فى المطبخ ادخلى واقفه ليه كدة
صوت قفل الباب
جيهان ..انا قلت انزل اساعد طنط لو محتاجه حاجه القاعدة لوحدى فوق مزهقانى ماما الله يرحمها كانت مونسانى
ابو مدحت ..الله يرحمها قطعت بينا كلنا والله
واخبار ابنك ايه
جيهان..لسه ياعمو بشوف محامى انت عارف ان ابوة اماراتى وواخدو منى فمش عارفه هو فى سن الحضانه من حقى انه يكون معايا فى السن دة ولا اعمل ايه ..كويس انه خلانى انزل
ام مدحت ..اهلا يا جيهان سايبها واقفه ليه كدة اقعدى يابنتى
ابو مدحت ..يوة والله ماخدت بالى تعالى اقعدى انتى بقا ادام لوحدك فى الشقه تنزلى تونسينا كدة انا وطنطك
ام مدحت اها والله يا جيهان فعلا بدل قفلتك على نفسك وعياطك ليل نهار كدة
جيهان مش عاوزة اضياقكم يا طنط
فاصل موسيقى
مدحت بيتصل بهمسه
صوت اتصال فون
همسه ..الو ايوة يا مدحت اتاخرت ليه مش قلت هتروح تمد الاجازة وتيجى ع طول وبكلمك فونك مقفول قلقتنى عليك
مدحت ..معلشى يا همسه مرضيوش وفى اليومين الاجازة فى اوراق اتسرقت من المكتب عندى لمناقصه الشركه داخلاها وفى تحقيقات والبوليس هنا كمان والجو متكهرب خالص
همسه ..يا نهار ابيض يعنى انت تغيب يومين يحصل كدة
مدحت . المشكله ان المناقصه دى لو الشركه خسرتها وراحت للشركه المنافسه هتكون مصيبه الشركه هتفلس وهتقفل
همسه .. اكيد استاذ عمران صاحب الشركه مش عبيط انه يحط فلوسه فى مناقصه واحدة
مدحت .اهو دة اللى حصل بقا اناوقلت اعرفك عشان متقلقيش وقلت ادام اناجنب بيت ماما اروح افطر مع بابا وماما وارجع تانى بعد الفطار
همسه ..طيب يا حبيبى ابقا سلملى عليهم
هاله..همسه ..مالك وشك متغير ليه كدة
همسه .اوراق مهمه اتسرقت من مكتب مدحت وبيحققوا هناك
هاله ..طيب ومدحت ماله ماهو كان اجازة
همسه .هاله .ماهو دة سبب اصلا يخليهم يشكوافيه اشمعنى لمااخد اجازة اتسرقت الاوراق عشان يبعد الشبهه عنه انه مكنش موجود
هاله ..ياااه يا همسه بتفكرى ليه كدة
همسه .لان النيابه لما هتتحقق بيفكروا اصلا كدة ولا هيجى فى بالهم انه اخدها عشان حماه مسافر مش سبب مقنع بس لو فكرنا اكيد حد من زمايلنا فى الشركه ورا دة وهو كمان كان عارف ان مدحت هياخد اجازة فى التوقيت دة فعمل كدة
هاله..لاااا دانتى تسيبى حبيبه وتروحى تحققى بنفسك ..وتضحك
همسه .انتى بتضحكى يابت الموضوع بجد ومصيبه كبيرة ممكن مدحت يتحبس فيها لو معرفناش مين وراها..
هاله ربنا مايجيبش حاجه وحشه ان شاء الله
هدير ..هااا عاملين ايه ع الفطار النهاردة ؟؟
همسه بقولك ياهدير الايباد بتاعى اللى كتتى بترسمى عليه فين
هاله..ايباد ايه دة فين دة؟؟
هدير . هاله هو كل حاجه لازم تعرفيها ..معايا بس عاوز يتشحن قرب يفصل
همسه ..طيب هاتيه وحطيه فى الشاحن عقبال مااعمل الرز وانتى ياهاله ادخلى اعملى السلطه
هاله ..حاضر ياهمسه شوفتى باساعدك فى الاكل اهو وانا صايمه عشان ماتقوليش مابطبخش
همسه .نعم يحتى هى السلطه طبيخ.طيب اعملى حسابك بكرة هتعملى صينيه مكرونه بالباشميل وانا اعمل السلطه
هاله نعم مكرونه ايه انا اخرى ا كلها لاااا مابعرفش اعملها
همسه .لااا هتعمليها وهتتعلمى معنديش لا انا مفهوم . ماما سافرت خلاص ودلعها ليكم ماليش انا فيا وبعدين انتى كلها كم شهر وتتجوزى وقتها تعملى ايه بقا
هاله ..ماهو مجدى بيعرف يطبخ هيعمل الاكل هو
همسه .. يا حبيبتى هيسيب شركته ويجى يقف فى المطبخ يطبخ .بردوة هتعمليها وهتتعلمى الاكل يعنى هتتعلمى اهااا انا حجزتلك عند دكتور تغذيه وسمنه يوم الخميس الجاى ان شاء الله
هاله ..هو ايه ياهمسه التحكمات دى .. تخسيس ايه ومكرونه ازاى
همسه لا ماهو هناكل المكرونه قبل الرجيم بطلى حجج اخلصى اعملى السلطه
هدير ..بنتك مالها النهاردة هاديه ونايمه مظيلها ايه منوم
همسه ..لاء والله.منوم ابه ..هى ادام شبعانه هتنام والبيت هادى كمان مفيش دوشه اخو اتك نايمين ادخلى صحيهم يلا عشان الفطار
فاصل موسبقى
جرس الباب
ام مدحت ..مين اللى حماته بتحبه جاى ع الفطارة .افتح يا يوسف
جيهان .لاء خليك ياعمو مرتاح اشوف انا مين
صوت فتح الباب
مدحت .جيهان بخضه ..السلام عليكم
جيهان..بابتسامه خفيفه وعليكم السلام ازيك يا مدحت
مدحت ..الحمد لله بخير . تسلمى بخوف
ابو مدحت ..يادى النور والهنا حماتك بتحبك ايه المفاجاءه الجميله دى
مديحه ..حبيبى والله كنت حاسه انك جاى عملتلك الملوخيه اللى بتحبها
مدحت تسلم ايدك ياست الكل وبصوت واطى ..هى جيهان بتعمل ايه هنا ..يا ماما .همسه لو عرفت هطين عيشتى وهتفكر انى جاى عشانها
مديحه..بتضحك ..فكرتنى بابوك نفس الموقف حصل زمان سبحان الله وانا قفشته بس ابوك بقا مكنش خايف كدة
مدحت .حصل ايه يعنى .ويقاطع كلامهم فون همسه ..يانهار اسود همسه بتتصل
مديحه طب ماترد
مدحت ..منا هارد اهو هو انا اقدر انأخر فى الرد ربنا يستر ... المغرب هياذن بتتصل دى ليه دى زى مايكون قلبها بيحس بيا
الو يا حبيبتى
همسه ..الو..ايه اتاخرت ليه كدة فى الرد قلقتنى
مدحت .لا ابدا كنت لسه واصل فبسلم على ماما وبابا
صوت اذان المغرب
همسه بتردد الاذان ..طيب الحمد لله انا قلت اطمن عليك وصلت ولا لسه
مدحت ..وصلت يلا روحوا افطروا وبوسيلى حبيبه احتمال ابات عند ماما النهاردة ماشى
همسه .مالك
مدحت انا لاء مافيش والله المغرب اذن بقا يلا عشان تفطرى
وصوت
جيهان بتنادى يلا يا مدحت الملوخيه هتبرد
مدحت يانهااار اسود
تعليقات
إرسال تعليق
اترك تعليق لتشجعنا على الاستمرار
وشكرا