همسه واخواتها الخمسه الجزء الثالث عشر

ام مدحت ..والله فتحيه ماتقصد يا هناء مانتى عارفاها  مدب كدة ع طول

فنحيه ام مجدى..اهى  هو ايه مدب دى يا مديحه الملافظ سعد

ام مدحت مديحه ..الملافظ سعد اومال ما محسبيتش على كلامك ليه وانتى بتكلمى هاله

هناء خلاص يا مديحه وانتى كمان يافتحيه  لولاش انا عارفاكى  كنت زمانى زعلت منك بس اهو  متربين سوا وعارفه طباعك  

فاصل موسيقى 

همسه ..احم احم اجنا جينا

مدحت ..حبيبتى نورتوا تعالى ياهاله ادخلى  واقفه ليه

مجدى ..يادى النور اللى بينور قلبى وحياتى اول ما بشوفك ياهاله..

هاله. ا..الله ايه الكلام دة نور ايه وحياتك  بس بتكسف

مجدى..لا اوعى تتكسفى ..بصى جايبلك ايه

وصوت خروشه وكانه بيطلع شيء من شنطه

ادى يا ستى فانوس رمضان ليكى وبصى مكتوب عليه حروف اسمى واسمك انش وام 

هاله ..فانوس ايه هو انا صغيرة

مجدى..دانتى هتفضلى صغيرة على طول وبنتى لاخر العمر انتى بس تؤمرى وكمان من غير مانؤمرى اجيبلك اللى نفسك فيه.استنى بصى كمان

وادى الشيكولاته اللى بتحبيها ودة كمان انواع لبان وحلويات مشكله وكلها من النوع اللى بتحبيه

هاله.. ايه كل دة ..وبعدين انت عرفت انى بحب كل الانواع  دى منين 

مجدى اللى بيحب حد لازم يعرف ادق تفاصيل حياته وانتى حياتى ياهاله

همسه. بصوت واطى .سامع يا مدحت الكلام الحلو دة هو انت مابقتش تقولى كلام  زى دة ليه 

.

مدحت ..انتى نسيتى منا من شويه قايلك يا حبيبتى ونورتى

همسه ..نورنى على اساس انى نجفه  .لاء ارجع كدة قولى كلام رومانسى وكلام حب زى دة فين ايام الخطوبه

مدحت..بيضحك ..والله انتى مشكله حاضر ياروح قلبى تعالى نطلع نعملهم حاجه يشربوها واقولك كلام رومانسى لغايه مازهقك منه

همسه. لاء مش ازهق قوله انت بس يلا تعالى 

مدحت طيب احنا هنعملكم حاجه تشربوها انا وهموسنى بدلعك اهو  بصوت واطى ..وانتوا بقا عاوز ارجع نسمع خبر حلو . يلا يا حبيبتى تعالى معايا

وصوت خطواتهم وهما ماشين 

هاروون بيوشوش يوسف ابو مدحت .. وبيقولوا 

ايووة  الحق الحموات الفاتنات  اشتغلوا

وابومدحت بيضحك ..اها والله عندك حق هى مين فيهم مارى منيب

هاروون هى دى عاوزة كلام اختك طبعا فتحيه دى  مارى منيب غلبانه بالنسبه لها  وبيضخك 

ابومدحت .والله عندك حق  بس احيانا بتقلب على فردوس محمد

 وبيضحكوا بصوت عالى  يلفتوا نظرهم 

فتحيه.ام مجدى ..مالكم كدة انتوا الاتنين  فطسانين ع نفسكم من الضحك ضحكونا معاكم

هاروون اقول بس ايه فكرتينى لما كنت بجى زمان عندكم اذاكر مع يوسف  وكنتى قايمه بدور الام  وكل شويه تجيبلنا اكل وعصاير وكفايه كدة مذاكرة لتتعبوا 

يوسف ابو مدحت . ياااه فاكر ياهارون كانت ايام جميله والله ودى تتنسى  مع انها اصغر منى بس طول عمرها حنينه عليا 

فتحيه ام مجدى.الله مش اخويا حبيبى وماليش غيرك فى الدنيا بعد ما ماما وبابا ماتوا واحنا صغيرين ورحنا عشنا عند خالتوا واتعرفت وقتها على هناء ومديحه 

هارووون..وانا ماسبتكووش جيت وراكم ماكان مانقلتوا واقنعت ابويا الله يرحمه يشترى لناالشقه دى فوقيكم  اول ما شفت هناء عندكم  وبقيت جاركم 

مديحه .شفتى ياهناء عمل ايه عشانك  اقنع ابوة يبع شقتهم اللى فى المعادى ويجى يسكن هنا فى مدينه نصر جنبك انتى ويوسف 

هناء ..طبعا ودى ايام تتنسى بردوة  ..محدش كان بينافسنى فى حب هارون غير  يوسف  ولما اتجوز بعيد عن هنا بقا مضايق وكان نفسه يتجوز فى شقتكم تحت  بس خالتك بقا  جوزت ابنها فيها 

مديحه ..المهم اننا فى نفس المنطقه بردوو

فتحيه . شوفتوا بقا لولاى انا مكنتوش عرفتوا بعض ولا اتجوزوتوا كلكم 

هناء . الله اومال عاوزة تبوظى جوازة العيال ليه يا فتحيه 

هاروون .رجعتينا ليه يا هناء بس تانى 

 كنا فى الزمن الجميل بتاعنا وذكرايتنا مع بعض..اللى عمرها ما هتتنسى  خالص

يوسف ابو مدحت .والله ياهارون عندك حق خصوصا لماابوك الله يرحمه فى الثانويه العامه لما نجحنا جابلنا العربيه  ليا وليك وحكم انت تسوقها اسبوع وانا اسبوع وكأنى ابنه بالظبط

 

هارووون ..مانتا اخويا فعلا    وابراهيم الله يرحمه  مهونش عليا موته  وهو فى عز شبابه  غيرك يا يوسف ربنا مايحرمنى منك

ابو مدحت 

الله  يرحمه ولا منك يا عشرة عمرى

فتحيه واختك  ابتسام ..يااه والله وحشانى هى اخبارها ايه دلوقت  ولا بنسمع عنها حاجه  ..ومعاها اولاد ايه دلوقت

هاروون .الحمد لله كويسه جوزها على طول مسافر وهى اوقات بتسافر وترجع وجايه   الاسبوع الجاى تقضى العيد هنا مع البنات  هى وبناتها

فتحيه ..ماشاء الله ..معاها كم بنت 

هاروون معاها بنتين  بس لسه متجوزوش ان شاء الله ربناةيبعتلهم نصيبهم

مديحه ..يارب اللهم امين والله انا مبسوطه اوى بلمتنا دى وبكلامناوعلى اللى فات وايامنا واحنا صغيرين

فتحيه. اوعى يا هناء تكونى زعلانه منى انتى وهارون والله ماقصد حاجه ولا اقصد اجرح فى هاله وتخنها

هناء .الله ماكنتى حلوة وماشيه حلو لازم تعكى بردوة وبعدين هى مش تخينه ولا حاجه 

فتحيه .خلاص بقا ما تقغليش ع الكلمه كدة.وانت ياهارون نقرء الفاتحه بقا 

هاروون ..والله انا معنديش مانع بس  الاولاد مع بعض بيتكلموا  ..يخلصوا كلام وبعد كدة نشوف راى هاله ايه مش اقدر اغصبها على شيء هى مش عاوزاه

مديحه..عندك حق نستنى ونسيبهم مع بعض وادى قعدتنا دى مش هتتعوض

هناء .. طيب انا اقوم اجيب  الكنافه والقطايف وقمر الدين  يافتحيه اللى بتحبيه ومكترة جوز الهند زى ما بتحبى تاكليه

فتحيه..تسلم ايدك يا هناء  مالوش لزوم تتعبى نفسك  شوى ومروحين

هاروون ..تتعب نفسها ايه وتروحوا ايه انتوا هتتسحروا النهاردة معانا وفرصه اهو اسلم عليكم احنا مسافرين بكرة الفجر

ابو مدحت يوسف .لا سحور ايه  كدة بنتقل عليك وانت مفروض تنام وترتاح