منال والدجاله دلال ٢

منال فضلت ماشيه  فى الشارع  تفكر احكى لعبد الحكيم ولا ماحكيش طيب لو حكيت  يانرى هيكون رد فعله ايه دة ممكن نتخانق بسبب كدة وانا مابحبش ازعله  ولا بحب اتخانق معاه ..وفضلت تأنب فى نفسها  لغايه ماوصلت موقف الميكروباصات ركبت وفضلت سرحانه بس حاسه ان فيها حاجه غلط من وقت مادخلت للست منال دى ..وايه اللى كان خانقنى دة  ولسه بردوة حاسه بكدة هو خف اينعم بس بردوة . حاسه ان حد ماسك رقبتى وضاغط عليها بقوة 

السواق قاطع سرحانها وفوقها يكلكس العربيه المزعج وخناقه مع باقى السواقين فى الطريق وقتها بس انتبهت للطريق وطلعت الموبيل من شنطتها تبص على الساعه وتشوف انأخرت ولا لسه  عشان ماتسمعش كلام بسم بدنها من حماتها 

مابتشيلش هم تأخيرها  من جوزها اد لما بتكون مضايقه ان حماتها على طول واقفلها على غلطه تعملها حتى مروحها ومجيها من عند امها 

وصلت منال االبيت  ووقفت على باب البيت من تحت تأخد نفس قبل ماتطلع عشان تستعد  على الكلام اللى هتسمعه من حماتها  وطلعت السلم بشويش  عشان تحاول مانلفتش نظرها انها طالعه السلم وفعلا مالقتش حماتها فانحه  باب الشقه ولا واقفه مستناياها زى عوايدها . اتنهدت وحمدت ربنا  فكرتها نامت لكن المفاجاءه بقا  لما

. فتحت باب  شقتها  بشويش ولسه بتدخل  من باب الشقه لاقيت حماتها ادامها بالظبط  رجعت تانى برة الشقه من خضتها وردت حماتها عليها ..ايه شفتى عفريت  مالك اتخضيتى ليه كدة . ماتقولى بسم الله ولا السلام عليكم..منال سكتت  شويه وقامت داخله الشقه وقالت السلام عليكم اومال فين عبدو

حماتها بهدوء ودة اللى استغربته منال ..عبدو جوا فى الاوضه بيصلى ..هااا كشفتى على امك .كنت عاوزة اتصل اطمن عليها .منال بصت واستغربت من كلام حماتها اول مرة تسال على ماما دى لما تعبت ودخلت العنايه المركزة من كم شهر معبرتهاش ولا راحت بصت عليها ولا سألتنى حتى عنها وبيقاطع سكوتها واستغرابها طلوع عبدالحكيم من الاوضه 

 بيقولها .منال كويس انك متاخرتيش  الدكتور مكنش عنده زحمه ولا ايه .منال فضلت تبص لحماتها وجوزها ..عبدو منال بكلمك  ساكته ليه

منال. هاااا بتقول ايه ياعبدو معلشى 

عبدو افتكر ان امه زعلتها تانى وهى ساكته مش عاوز تكلمه بسبب كدة ولسه هيسألها تانى امه على طول بتقولها مالك مسهمه ليه كدة هى امك عندها حاجه وحشه الف بعد الشر عليها يعنى 

منال ..لاء خالص الحمد لله هو ضغطها عالى شوى

وروحتها وركبت وجيت على طول  الطريق كان سهل ومافيش زحمه الحمد لله

حماتها.طب الحمد لله ربنا يطمنك عليها يلا اسيبكم بقا واروح اصلى العشا انا كمان  وانام تصبحوا على خير

عبد الحكيم .ماتقعدى تتعشى معانا يا ماما هتنامى من دلوقت 

ام عبد الحكيم ..اها يا عبدو صاحيه من بدرى وبعدين اسهر ليه النوم بدرى صحه وعافيه وانت اتعشا مع مراتك لوحدكم ابقا عزول بينكم لبه يلا تصبحوا على خير 

منال وانتى من اهله يا ماما ..عبدو . هى امك مالها هتموت ولا ايه

عبدو ..فى ايه يا منال الكلام اللى بتقوليه دة  بعد الشر عنها  .ماتقوليش كدة تانى 

منال .والله مأاقصد بس امك غريبه من وقت مارجعت ماشخطتش فيا ولا زعقتلى وكمان بتسألنى على ماما 

عبدو فيها ايه يعنى منا قلتها انها تعبانه ورايحه تكشفى عليها  فطبيعى تسالك عليها

منال ..لاااا يا راجل .اللى هو ازاى دة .دى ماما فضلت فى العنايه المركزة شهر ولا فكرت تزورها ولا حتى تسألنى عليها وماما زعلت منها بسبب كدة امى مش بتتاخر عنها لو عرفت انها تعبانه وامك غلطت لما مارحتش تطمن عليها فعلا حتى لما طلعت من المستشفى مفكرتش تكلمها فى التليفون وتحجج باى حاجه عشان ماسالتش عنها تيجى دلوقت لما  ماما ضغطها عالى ورحت اكشف عليها تسألنى لازم استغرب طبعا

عبدو .مايمكن عشان كدة قالت تسال حست انها غلطانه وعاوزة تلطف الجو بلاش  التفكير دة .. المهم عملتى ايه احكيلى ..

منال . سكتت وفضلت تفكر احكيله واقوله انى رحت للدجاله من وراه طب .يا ترى هيكون رد فعله ايه ؟؟ بس هو طيب وهيفهم كويس ان كل دة عشان اطمن   ايه السبب لتكون زميله عبدو فعلا عملاله عمل زى ما ماما مابتقولى .ماهى بتحبه ورافضه تتجوز واحد غيره من سنين وحاولت الانتحار يوم فرحنا فاكيد هى . 

عبدوو منال يا منال مالك سرحانه فى ايه

منال ..هااا لا مافيش انا ادخل اغير هدومى واعملك حاجه تشربها

عبدالحكيم..طب بسرعه وحضرى عشا خفيف  كدة  قبل اى حاجه

منال . طيب حاضر على طول مش هتأخر..وشويه عمال تشم ريحه غريبه ماليه الاوضه وبتنادى  على عبدوة..ايه ياعبدو انت راشش ايه ريحه قويه اووى

عبدالحكيم فتح التلفزيون ..ولا سامع اى  حاجه بتقولها منال له..وهى عماله تنادى وتساله وهو ولا هنا .وبتطلع من اوضتها ايه ياعبدو كل دة ومش سامعنى عماله اناديلك واكلمك من بدرى 

عبدالخكيم..دة اللى هو فين يا منال ولا سمعت حاجه منك وتلفزيون مش عالى للدرجه دى يعنى 

منال باستغراب ..نعم انا صوتى اتنبح من كتر ما ناديت عليك ومن الريحه اللى راششها جوا الاوضه دى..جبتها منين ريحتها قويه اووى 

عبد الحكيم . ريحه ايه يا منال منتى عارفه عندى حساسبه مابشتريش اى روايح..تلاقى حد من الجيران 

منال ..اها صحيح فعلا نسيت انا مش فاهمه  ايه الناس اللى بتغرق نفسها برفان دى كانهم بيستحموا بيها

عبدالخكيم ..ياستى عشان يداروا على ريحتهم المعفنه احنا فى الحر ةبدل مابيستحموا يحطوا ريحه تنيل ريحتهم اكتر. انا بيدخلى ناس ..استغفر الله العظيم بمشيهم واخلص لهم حاجتهم بسبب ريحتهم دى..فعلا النظافه من الايمان 

منال ..ربنا يشفيك يا حبييى ويهون عليك تعبك دة .اما اقوم بقا  احضر العشا 

اكلوا  ودخلوا يناموا..ومافيش شويه يادوب عين منال راحت فى النوم سمعت حد فى الشقه برة 

فتحت عينها واتخضت فكرته عبدو بتبص لاقيته جنبها ..قالت يمكن كنت بحلم ..وشويه وراحت فى النوم ...مافتش كتير وصحيت على صوت مايه فى الحمام اتفتحت وصوت حد بيتكلم 

..قالتواكيد عبدو بيتوضا عشان صلاه الفجر وشويه هيصحينى عشان اقوم اصلى  اغمض حبه عقبال مايخلص وضوء..وراحت فى النوم ..وهى مغمضه شافت حد عمال يشد فيها ويطلعها بره الاوضه وهى تقاومه وتصرخ وعماله تصرخ ..عبدو عمال يصحى فيها منال فوقى مالك اصحى 

وفى لحظه قامت مخضوضه .وبتنهج وكان كل اللى شافته كان حقيقى ..وبتبص لاقيت عبدو  قاعد ع السرير جنبها...وعمال يقولها مالك..وهى ساكته ولا عارفه ترد ..وهو بيسالها تانى شوفتى كابوس اكيد صح....طب  استنى اماةاجيبلك تشربى ومشى ناحيه الباب وسمعت صوت فى الاوضه  بينادى عليها  وعماله تتلفت حواليها وتقول مين ..وبتصرخ عبدو ياعبدو....جه بسرعه .مالك فى ايه؟؟ .ردت عليه هو انت نادتلى دلوقت !. قالها انا مافتحتش بؤى . امسكى اشربى واستهدى بالله شكلك تقلتى فى  العشا  .....انا اروح اتوضا الفجر قرب ياذن....

منال ...ايه ! تتوضا ماأنت كنت من شويه فى الحمام بتتوضا وفاتح المايه زى عوايدك

عبدالحكيم..كنت شويه فين يا منال انا لسه صاحى على صريخك  مخضوض من النوم ..وبعدين الفجر لسه ادامه شويه عقبال ما ياذن يبقا كنت ازاى فى الحمام وبتوضا

منال .. اومال مين اللى كان فى الحمام ومشغل المايه. ؟؟؟ ومين اللى كان بينادى دلوقت عليا ؟

عبدالحكيم. انتى كنتى بتحلمى يا منال 

منال .  لاء انا صحيت وفتحت عينى . لاقيت المايه شغاله وصوت فى الحمام .... وقبلها صحيت على صوت حد فى الصاله ....مين فى الشقه معانا؟؟