قصه همسه واخواتها الخمسه الجزء السابع
هاررووون ...يااااه يا هناء . بقالنا كتير مضحكناش كدة ولا سهرنا الواحد كان مضيع حياته فى الشغل فعلا ونسى يعنى ايه لمه العيله والجيران
هناء ...اه والله يا هاروون حسك بالدنيا دايما انت اللى وجودك بيحلى اى حاجه ربنا مايحرمنيش منك
همسه ..احم احم نحن هنا يا ست ماما ايه الغراميات دى على الصبح
هناء ..اتعلمى ياهمسه ان جوزك هو سندك وظهرك وامانك فى الدنيا اللى ربنا مانن عليكى بيه فاحسنى عشرته وصونى سرة
همسه ..والله يا ماما انا بعامل مدحت زى ماشوفتك بتعاملى بابا بالظبط ونفسى مدحت يكون زيك يا بابا فعلا ويعامل ويربى حبيبه زى ماكنت بتعاملنى وربتنى انا واخواتى ..دة اللى بتمناه ومن جهه انى اصون سره .ماتقلقيش يا ماما انا حافظه الدرس دة كويس اووى منك
هناء ربنا يكملك بعقلك ويخليكى ليا انتى واخواتك
همسه ...امين يارب يا ماما وترجعى انتى وبابا بالسلامه
هاروون .اومال فين مدحت ..نام ولاايه
همسه ..اها يابابا نام جوا جنب حبيبه فى اوضتى القديمه وهدير وهاله راحوا يناموا فى اوضه البنات
هناء ..طب ياحبيبتى يلا قومى نامى انتى كمان قبل مابنتك تصحى واحنا كمان هندخل ننام
همسه..حاضر يا ماما تصبحوا على خير
هاروون .لا اسمها صباح الخير بقا بس اعديها عشان منمناش وبيضحك
المشهد فى السعوديه
ثريا ..هشام .صباح الخير اصحى يلا عشان عاوزة انزل بدرى نجيب حاجات والاكل نعمله اول يوم واجهز باقى حاجات مجبنهاش عشان لما عمى وطنط يجوا يكون كل حاجه جاهزة
هشااام...لاء انا مش مركز انا نايم وبعدين النهاردة اجازة يابنتى سيبنى انام شويه وعلى الساعه ١٠ صحينى
ثريا ..وعيالك اللى صحتهم ولبستهم دوول منتا عارف هما اجازة الاسبوع دة يعنى قاعدين فى ارابيذى الاسبوع دة
هشام ..ارابيذك ..ايه يا حبيبتى الكلام الغريب دة روحى نيميهم وتعالى نامى
ثريا . انيم مين يا هشام ..دول مش بتوع تعالوا ننام يناموا هما نظامهم كدة ومش عاوزة ابوظه
هشام بصى يا ثريا . انت مش ح تبوظى نظامهم ..سيبنى انا بقا ابوظ نظامى وساعتى البيولوجيا وانام يلا روحى افطرى وفطريهم وماتمليش بطنك اووى عشان تفتحى نفسى لماااصحى
ثريا ..يا سلام ياخويا بتسكتنى بكلامك دة ..ماشى ..ماشى .اناهاسيبك بس تنام عشان صعبت عليا
هشام ..اطفى النور واقفلى الباب كويس واياكى تسلطى العيال يدخلولى عارف حركاتك دى هااا
ثريا...امممم.ماشى اسيبك تنام وصوت خطوات رجليها وهى طالعه من اوضه وتقفل الباب وراها
مشهد البيت
هاله ..ايه دة انا جوعت اووى اومال بكرة اعمل ايه فى الصيام انا لازم اتعود ع الجوع .ومش اقوم اكل لازم اجاهد نفسى .. وتسكت شويه
اها مش هاقوووم
هدير...بتكلمى مين يا هاله
هاله ..مش بكلم حد.. انا بكلم بطنى
هدير ..بتكلمى بطنك.ليه على الصبح
هاله ..اصلها جعانه وعماله تصوصو جدا
هدير ..تصدقى انا جعانه بردوة وماما زمانهانامت ولو قمنا دخلنا المطبخ نعمل اى اكل ح تموتنا لان كل مرة بندخل المطبخ بنيل الدنيا
هاله..طب انا جعانه ..ومش قادرة اعمل ايه دلوقت
هدير ..هو الظاهر انت عدتينى انا كمان انا مكنتش بجوع الصبح كدة اووى
هاله.. بطلى رخامه بقولك ايه معاكى فلوس كم
وباب الاوضه بيتفتح وتدخل همسه ومعاها حبيبه
كويس انكم صاحيين
همسه ..هدير حبيبتى خدى حبيبه شويه عقبال ما اعملها وجبه الفطار بتاعتها عشان كنت داخله لسه انام لاقيتها صحيت
هاله..همسه انتى بتيجى على السيرة ربنا باعتك ليا...اها لينا لينا
همسه ..ليه بقا ان شاء الله .بت اوعى تقوليلى عاوزة تاكلى من اكل حبيبه وعاوزانى اعملك معاها انا اخر مرة شفتك وانتى بتاكليها اكلتى من الوجبه بتاعتها
هاله ..والله كنت بشجعها عشان تاكل لاقيته طعمه حلو اوى فكملت وبعدين ماهى بيبى وبترضع
همسه .. الله مال الرضاعه ومال الوجبه دة حاجه ودة حاجه.. هاله ارحمينى بجد انا بقيت اخاف اسيب حبببه معاكى
هدير ..قومى يا همسه اعملي لنا فطار احنا جعانين وهانى حبيبه اسكتها عقبال ماتخلصى
همسه .خدى بس مش اعملكم حاجه مش قادرة اقف وبعدين فين هبه وهدى
هاله..عندهم درس نزلوا من شويه
همسه ..اها تمام اصلى مشفهتهمش وهما نازلين .خدوا بالكم من حبيبه عقبال ماجى هاا
هاله ..طب هنعمل ايه شوفى كدة معاكى كم نطلب دليفرى وخلاص ماما مش هتصحى دلوقت وهمسه باعتنا عشان بنتها
هدير .نعم يختى وانا اطلبلك على حسابى ليه فين مصرووفك
هاله ..اصلى جبت بيتز من يومين ومش فاضل معايا غير ٢٠ جنيه بس
هدير..بقولك ايه انا مصروفى بحوشه عشان اغير الفون بتاعى مش ناقصه الميزانيه تنقص
هاله ..مجتش على ٢٠ جنيه بقا
وفى داخله
همسه عليهم... بتحكوا فى ايه تانى هااا
هاله بقولها تسلفنى عشرين جنيه نبعت نجيب الفطار انا جعانه ماكلنش من امبارح
همسه .. هتطلبوا ايه طيب وانا اعزمكم لانى بصراحه من قله نومى مش قادرة اقف وها اعمل معاكم اتفاق . انا اعزمكم على الفطار ونفطر واعملكم شاى كمان ..مقابل ان انتوا تخلوا حبيبه معاكم وادخل انام من غير ماتصحونى
هاله ..طبعا انا موافقه
هدير .طبعا منتى لازم توافقى هو انتى اللى تاخدى بالك منها انتى اخرك هتاكلى وتنامى تانى
همسه..هدورا حبيبتى هاديكى الحلق بتاعى اللى كان عاجبك كمان هااا
هدير..امممم بتعرفى تسكتينى ماشى ياهمسه اذا كان كدة انا موافقه
همسه ..هااا عاوزين تفطروا ايه ونطلب ايه بقا بس اخرى معاكم نص ساعه انجزوا بنام على نفسى
هاله ..ما تقلقيش المطعم جنبنا يلا ياهدير اطلبى انا اكل ٦ ساندوتشات وواحدة كانز اه ومتنسبش الطرشى
هدير ..نعم يختى ٦ مرة واحدة . ح تاكلينا وبتقولها بصوت خووف وضحك فى نفس الوقت
همسه ..هدير ..تاخدى بالك من هاله اوعى تنامى وتسيبى حبيبه مع هاله لتفكرها بونانيه وتاكلها
..هاله بترد دنا اكلها فعلا دى تتاكل اكل دى احلى من البونبونى
صوت فى الشارع
هبه. بقولك ايه تعالى نروح نطبع الصور دى
هدى . صور ايه دى فرجينى كدة
هبه . يابنتى اللى صورناهم امبارح لينا كلنا
هدى ..محدش فاتح دلوقتى طبعا خليها بعد مانخلص المراجعه ..ها هتعملى بيهم ايه بعد ما تطبعيهم
هبه. انحايلى عليا شويه
هدى .. لا مش هاتحايل ..شفتى طنط ام سمر نامت وهى قاعدة ياعينى
هبه . هههههه اها بس مارديتش اصورها لماما تزعقلى عارفه هااعمل ايه بالصور دى كلها
هدى لاء ه تعملى ايه .. اخلصى
هبه . انا قررت اعمل بيهم زينا على كل شقه وهنشترى الورق واللزق فكرينى بس
هدى..اها فهمت فهمت . الله تصدقى هيكون منظر العمارة جميل
هبه ..اها طبعا لازم نبتكر كدة افكار جديدة نفرح بيها اهلنا وجير انا
هدى .بصى احنا لازم نخلص كل دة قبل مانروح فى مكتبه قريبه من البيت نطبع الصور ونجيب كل حاجه ونروح نعمل فيها اللى قلتى عليه
هبه ..فكرة حلوة . ماشى اتفقنا
وبيخلص الجزء السابع
تعليقات
إرسال تعليق
اترك تعليق لتشجعنا على الاستمرار
وشكرا