همسه واخواتها الخمسه الجزء الحادى عشر
مديحه ..والله ليكى وحشه يا هناء وكم مرة اقول اجيلك اقعد معاكى ماتعرفيش ايه بيعطلنى وسميه اخت مدحت كانت زعلانه مع جوزها وسايبله البيت
هناء . وانتى كماان والله ..يا خبر ليه كدة
مديحه ...حماتها مش مبطله رخامه عليها كل ماتشوفها بسبب الخلفه والعيال
هناء..الله ما بنتك سليمه وابنها هو السبب وبيتعالج تعمل ايه البنت يعنى بدل ماتحمد ربنا انها ساكته ومستحمله كل اللى بيحصل فيها دة
مديحه اها والله على قولك ..مسممه بدنها كل ما تشوفها وتقولها انتى السبب وهو بيقول كدة عشان ماتتحرجيش وقامت بينهم خناقه
هناء. يا خبر. وبعدين
مديحه..مافيش قالتها بكرة اجوزه وهتشوفى العيال هتملا البيت ازاى طبعا بنتى دمها حامى وحساسه وهو سامع كل الكلام دة وساكت
قامت سابت البيت وجات عندى
هناء..ا .وازاى اسماعيل يسمع امه بتقولها كدة ويسيبها تكمل على البت وتسم بدنها ومايدافعش عنها
مديحه .منتى عارفه وحيد امه ومدلعاه
هناء..بمناسبه وحيد امه ومدلعاه معلشى قاطعتك..مجدى ابن فتحيه اخت جوزك عرفتى انهم جايين كمان شوى
مديحه ..اها عرفت .بس حرام تشبهى مجدى باسماعيل ياهناء
هناء..منا خايفه يحصل لهاله كدة هى حساسه زى سميه بنتك واكتر كمان وفتحيه قويه ومفتريه هو انتى نسيتى كانت بتعمل فينا ايه واحنا صغيرين
مديحه ..اه والله وانا اهو طول عمرى عايشه معاها بس بردوة طيبه مش زى ام اسماعيل ابدا .
وهمسه بتدخل عليهم بالقطايف
همسه..منورانا يا ماما والله دووقى بقا القطايف دى وقولى رايك دى طريقه جديدة وحشوة كمان جديد
مديحه..حبيبتى يا همسه منورة بيكى يا مرات الغالى وبنت الغاليه .بس انتى عارفه السكر بقا انا اخد واحدة بس ولما عمك يطلع بقا متقلقيش هيخلصلك الطبق
همسه..بالهنا والشفا يا ماما ..هو انا حاسه ليه قاطعت كلامكم صح
هناء..ابدا يا حبيبتى انا اقوم اشوف هاله لبست ولا لسه. ربنا يعدى المقابله دى ع خير عن اذنك يا مديحه
مديحه . اتفضلى يا حبيبتى ....بقولك يا همسه . طنط فتحيه .تيجى خبى البت واياكى تطلعيها فاهمه مش ناقصين تديكى عين تانى انتى والبت
همسه...هههههه ليه بس يا ماما هتحسدنا على ايه
مديحه. بقولك انا اللى معشراها انا وامك واسالى امك عليها هههههه
همسه ..حاضر يا ماما هدير اصلا نيمتها جنبها وكويس هدير نامت كمان هى والبنات عشان الدوشه انتى عارفاها عاوزة ترمى الابرة فى الارض ترن
مديحه...ههههه اها فاكرة يوم خطوبتكم لما طقت الكاسيت وقالت دماغى وجعانى خلاص كفايه كدة مغنى صدعتونى
همسه... بتضحك ياخبر لسه فاكرة ..والله يا ماما دى ماتنفعش مع هاله خالص . بس مجدى شخص محترم وحنين هيصون هاله فعلا وكفايه انه شاريها ومستنيها لغايه ماتخلص كليتها
جرس الباب بيرن
مديحه ام مدحت .. ده شكلهم وصلوا . روحى على اوضتك وماتجيش دلوقتى الا لما اناديلك فاهمه والافضل ماتشوفكيش انا افتح الباب بسرعه
بتروح تفتح الباب
بتبص لاقيت فتحيه ام مجدى
فتحيه. ام مجدى ايه دة انتى اللى بتفتحى الباب اومال صحاب البيت فين
مديحه ام مدحت ..طب قولى سلام عليكم الاول
فتحيه ام مجدى . سلام عليكم
مديحه ام مدحت ..وعليكم السلام انا اللى بفتح وبعدين دوول اهلى بردوة وهناء صاحبتى من واحنا عيال مش مستنيه اعمل فيها ضيفه واقعد الكلام دة للغريب
فتحيه ام مجدى . تقصدى ايه بالعريب
مديحه. ام مدحت هو ايه يا فتحيه انتى جايه تقولى يا شكل . كل سنه وانتى طيبه احنا فى رمضان ادخلى اماشوف هناء فين
صوت قفل الباب
فتحيه..وكمان سايبنك لوحدك
مديحه ام مدحت ..يا هناء ..هناء
هناء ..ايوة يا مديحه
مديحه ..فتحيه جات برة تعالى بصوت واطى
هناء ..مالك وشك متغير ليه كدة ..هى قالتك حاجه ضايقتك
مديحه ام مدحت ..منتى عارفاها .استغفرالله العظيم يلا تعالى
هناء..يا اهلا ياهلا نورتينى يا فتحيه
فتحيه..ام مجدى ..اهلا بيكى ياهناء البيت منور باصحابه وتتك على كلمه اصحابه
هناء. ومنور بيكى منتى من اصحابه بردوة مش كدة ولا ايه يا مديحه
مديحه. هاااا .اها طبعا
هناء . اومال فين مجدى
فتحيه..اصله كلم مدحت واحنا جايين قاله انهم برة لسه فمرضيش يطلع الا اما يجو ابنى متربى و بيفهم فى الاصول
هناء..ازاى بس دة بيته ومطرحه كان طلع استناهم هنا ..كلام دة للغرب
وصوت فتخ باب الشقه وبيدخل
هارون السلام عليكم
هناء..وعليكم السلام وصلوا اهو
هاروون . ياهلا بالست ام مجدى نورتينا
فتحيه ..يا اهلا بيك ياابوهشام منور بيكم
ابو مدحت اهلا يافتحيه ازيك ياحبيبنى
فتحيه . اهلا ياحبيبى
مجدى . السلام عليكم ازيك يا طنط هناء
هناء وعليكم السلام ازيك يامجدى يبنى
مجدى ازيك يا طنط مديحه
مديحه ..حبيبى يا مجدى اهلا وسهلا اقعد
فتحيه . اومال فين العروسه
مديحه..طيب ياخدوا نفسهم بس لسه طالعين واكيد هتيجى تسلم عليكم
فتحيه..وانتى المحاميه عنهم ولا ايه ماتسبيهم يتكلموا
هارووون . لاء لا محاميه ولا حاجه دى صاحبه بيت بردوة وهاله زى بنتها
فتحيه. هو ايه حكايه صاحبه بيت دى .
ابو مدحت. بصوت واطى ..هدى الدور شوى هاااا احنا فى بيوت ناس وانتوا وجايين تخطبوا لابنك مش تتخانقوا فاهمه
فتحيه.بصوت واطى ..هو انتى شايفنى بتخانق بسأل سؤال عادى
ابو مدحت ..طريقتك ..كلها نرفزة وبتتريقى انا اخوكى وفاهمك
فتحيه..ابدا ابدا عاوزة اشوف العروسه
ابو مدحت علبا انا بردوة الكلام دة . هى شوى واكيد هتيجى تسلم عليكم
هناء . عن اذنكم ..اقوم اشوف هاله واجى
تعليقات
إرسال تعليق
اترك تعليق لتشجعنا على الاستمرار
وشكرا