قصه همسه واخواتها الخمسه الجزء السادس
فى التلفزيون اغانى رمضان و بعدها بصوت واطى من بعيد
همسه ..هو بابا اناخر ليه كدة يا ماما عاوزة اروح
هناء .لا مش هتروحوا النهاردة ح تباتى معانا وابوكى قال لجوزك ع الغدا ووافق هو معرفكيش ولا ايه
همسه ..لاء خالص كل اللى قاله نازل هو وبابا بعد الغدا ح يشتروا حاجات وراجعين
هاله .ياستى زمانهم راجعين .وبعدين هو مفيش حاجه حلوة من بتوعك دى تعمليها ندوقها قومى يلا كدة ابدعى قبل ما بابا وجوزك يجوا
هناء ..هو انتى كل اللى همك بطنك يابنتى ارحمى نفسك م الاكل والحلويات
همسه ..لاء ماليش نفس اعمل حاجه انا اقوم اغمض عينى حبه عقبال ماهما يجوا خدوا بالكم من حبيبه لو صحيت متصحونيش الا لما بابا يجى
صوت الجرس الباب بيرن مالحقتش همسه تنام وسمعت دوشتهم برة
هدير.. الله ايه دة بابا جاب فانوس كبير
قامت هدير زى العيال الصغيرة .بابا جبتلى فانوس
هناء ..ليه اتسخطى من تانى ولا ايه؟؟
اسكتوا خليه ياخد نفسه اومال فين مدحت
هاروون بيركن العربيه وطالع بقولك اعملى حاجه كدة ناكلها مسكرة
هاله .والله يابابا عماله اتحايل عليهم محدش معبرنى
هاروون ..منتى لو شاطرة هتعملى بنفسك وماتتحيليش ع حد يعمل
هاله..اه نرجع للتقطيم وسمعنى احلى خيبه انا خايباها صح
هاروون ..امشى يابت فين هبه وهدى وهمسه
هدير ..منا اهو كفايه ادينى الحاجات دى
هاروون اجرى يابت نادى ع اخواتك
هدير ..تنادى ..يا هبه يا هدى ياهمسه كلموا بابا بسرعه
هناء لاء سيبوا همسه تنام شوى
هاروون ..طيب خلاص لما تصحى بقا نفتح الحاجات دى
هاله ..هو ايه يابابا فرجنا بقا
همسه ..انا صحيت اهو يابابا
هاله ايه دة ...الله يرحم زمان نومك كان تقيل جدا مش عارفه اتبدلتى يابنتى من وقت حبيبه ماجات
همسه..بكرة يختى تتجوزى وتتبدلى زيا
هاله .دنا نومى خفيف .معنى كدة ا امى مش هنام بقا
هبه..بابا فرجنا كدة جبت ايه
هدى وانا كمان جبتلى فانوس
هدير ..وانتوا اتسخطوا انتى وهى تانى عاوزين فاونيس
هارووون ..مين من شويه كان بيقولى بابا جبتلى فانوس يا هدير
هدير ..بابا انتوا ع طول ناسينى كدة نفسى فى فانوس
هارووون لما تتجوزى وتخلفى بقا ابقا اجيب لعيالك انت كبرتى خلاص ع الحاجات دى
همسه .ياااه فاكرين زمان لما كنا صغيرين بابا كان بيجيبلنا الفوانيس والزينه قبل رمضان ونفضل نعلق الزينه للصبح ونلعب بالفوانيس لغايه ماننام ع نفسنا والفوانيس فى حضنا . الله نفسى الايام دى ترجع اووى
صوت جرس الباب بيرن
هاروون افتحى لجوزك تلاقيه هو
صوت فتح الباب .. وقفله تانى
مدحت ..السلام عليكم ..حبيبتى القمر هى اللى بتفتح بنفسها .خدى
همسه وعلبكم السلام يا حبيبى ..الله ايه دة جايبلى هديه
مدحت . اومال طبعا اقدر ما اجبلكيش حاجه وسط الهدايا دى كلها اللى عمى جايبها
هناء ..تعالى يا مدحت واقف ادخل اقعد..قومى يا هدير اعملى شاى يلا
هدير..هو ايه دة مافيش غيرى قومى يا هاله انا عملت النهاردة مرة
هاله..وانا عملت بعد الغدا قومى انتى اعملى الدور عليكى
هبه ..ماما انا هعمله انا وهدى تعالى يا هدى معايا
هناء ..ايه دة خير اول مرة من نفسك تقولى كدة ربنا يستر
هبه وهدى فى المطبخ . تفتكرى بابا جابلنا ايه فى الاكياس
هدى.. ترد اكيد حاجات رمضان ياميش يعنى مش عاوزة تفكير
هبه لاء ..الاكياس ملفوفه يابنتى اكيد حاجات لينا صح
هدى اخلصى صبى الشاى وانا اشيله واطلعه كدة قسمنا عمايل الشاى مع بعض
هدى..وادى الشاى الجميل وصل .يلا بقا يا بابا افتح فرجنا
هاله .بابا جبت المكسرات والبلح اللى طلبتهم وعين الجمل اوعى تكون نسيته
هناء ..اوفا عليكى يا هاله همك ع بطنك ع طول ما تصبرى ومش عارفه ح تصومى ازاى فى رمضان
هاله .احم احم يا ماما انشطا قاعد هاا .فضحتينى هيقول ايه عليا دلوقت
مدحت بيضحك ..هو انا غريب يا هاله منا عرفتكم بقا خلاص
هاله ..ههههه لاء مقصدش طبعا .اصل الاكل دة مزاج محدش بيفهمه
هارون ..ادى اول هديه للست حبيبه فانوس اول رمضان ليها معانا خدى يا همسه كل سنه وانتوا طيبين
همسه ..حبيبى يا بابا متحرمش منك..وانت طيب الله جميل اووى
هناء ..شفت قلتلك اجى معاك اهى فكرتك انت اللى جايبه للبت لوحدك
همسه .لاء طبعا يا ماما تسلمولى وتعيشوا وتجيبولها
ودول بتوع لانا ومحمد ولاد هشام عشان ناخدهم معانا خدى يا هناء عشان تحطيهم فى الشنطه
هدى ..ايه دة وانا مفيش فانوس ليا مااليش دعوة انا عاوزة واحد
هبه وانا كمان ماليش دعوة ناخد احنا دول وهاتلهم تانى
هاروون .لو تصبروا بس على رزقكم ادى يا ستى فانوس ليكى وفانوس لااختك والالوان اللى بتحبوها كمان
هبه ..الله فرجينى كدة بتاعك يا هدى
هدى . بصى احنا نصورهم وننزلهم على الانستا ماشى بس تصورينى صورة حلوة
هناء . بت انتى وهى مش كل حاجه تصوروها وتنزلواها اهمدوا شوى
هبه..بشويش هو انتى لازم تتسحبى من لسانك كم مرة اقولك كدة
هدى لما تسافر ننزلهم براحتنا مش لازم النهاردة
هاروون وانتى يا هاله خدى اسدال جديد اهو وانتى كمان ياهدير قبل ما تقولى حاجه
هدير .انا ساكته اهو بس انا اختار اللون اللى يعجبنى
هاروون امكم قالتى ع الالوان اللى انتوا عاوزينها انا جبت حسب الطلب
هدير .اشطا يا بابا اللون البينك تحفه بس لو كان فاتح عن كدة حبه
همسه.. بينك وفاتح هو رووج ح تحطيه فيها ايه البت دى مش طبيعيه والله
هاله... بص انا عجبنى الاسدال ونو كومنت لونه تحفه شكرا يا بابا انت وماما هاااا.. .بقا المهم فين الياميش طلعه
مدحت .الياميش معايا انا يا هاله ودة فى الاخر اصبروا بقا
هاروون وانتى يا همسه دة الاسدال بتاعك انتى وماما كمان كل سنه وانتى طيبه يا حبيبتى و رمضان مبارك عليكم يا حبايبى
هناء ..وانت طيب يا حبيبى ومتحرمش منك ومن مجايبك يارب
همسه ..حبيبى يا بابا ربنا ما يحرمنيش منك انت وماما وتعيش وتجيبلولى كدة دايما
هاروون الله اغانى رمضان وجو رمضان يارب كدة متحمعين كل سنه
مدحت
..دى بقا زينه رمضان وقررنا نسهر للصبح نعملها ونعلقها فى الشقه وعلى البلكونات من برة وعمو هاروون كلم الجيران واحنا تحت عشان يطلعوا يساعدونا ونسهر مع بعض كلنا
هبه وهدى . الله هيبقا يوم جميل
هدير... يا دى النيله دلوقتى ح يهرونى فين الشاى يا هدير وصوت ضحكهم
ويخلص الجزء السادس ع كدة وصوت اغانى على رمضان شغال
تعليقات
إرسال تعليق
اترك تعليق لتشجعنا على الاستمرار
وشكرا